Rajoni

“Serbia ka ndaluar fushatën për mosnjohjen e Kosovës”, përgënjeshtron Daçiç: Vetëm kur të ndalojë anëtarësimi i Kosovës në organizatat ndërkombëtare

Ministri i Jashtëm serb, Ivica Daçiç ka përgënjeshtruar lajmin, se Serbia ka ndaluar fushatën për mosnjohjen e Kosovës.
Featured image of article: “Serbia ka ndaluar fushatën për mosnjohjen e Kosovës”, përgënjeshtron Daçiç: Vetëm kur të ndalojë anëtarësimi i Kosovës në organizatat ndërkombëtare Ivica Dacic
Përditësuar:

SERBI- Ministri i Jashtëm serb, Ivica Daçiç, ka reaguar në lidhje me zërat se Serbia ka ndalur fushatën për mosnjohjen e Kosovës. Në një intervistë për Tanjug, Daçiç shprehet, se një gjë e tillë nuk ka ndodhur. Diplomati serb shtoi më tej, se Serbia do të ndalojë fushatën e mosnjohjes, vetëm kur shtetet e tjerë të ndalojnë njohjen dhe anëtarësimin e Kosovës, në organizatat ndërkombëtare.

“Serbia ka thënë publikisht për vite me radhë se do të ndalojë fushatën e tërheqjes së njohjes vetëm nëse të gjithë të tjerët ndalojnë fushatën për njohjen e Kosovës dhe anëtarësimin në organizatat ndërkombëtare. Meqenëse nuk është kështu, Serbia nuk e ka ndalur fushatën e tërheqjes së njohjes së Kosovës. Kur ata të ndalojnë, ne do të ndalemi. ne “, tha Daçiç në një prononcim për Tanjug.

Kjo përgjigja e Daçit, vjen si replikë e lajmit të publikuar nga REL, ku thuhej se sipas një burimi të lartë diplomatik në Bruksel, Serbia kishte ndaluar fushatën e mosnjohejs, për të krojuar një atmosferë të favorshme për vazhdimin e dialogut.

Për më shumë bëhu pjesë e grupit më viral në Facebook, Dosja.al

Marrë nga Kurir.rs

(g.sh./dosja.al)

Shto Koment