Bota

Senati Amerikan shqyrton se çfarë dështoi për të mbrojtur Kapitolin më 6 janar

Për oficerët Stenger dhe Irving, dëshmia e tyre do të jetë komenti i i parë publik që kur ata dhanë dorëheqjen, menjëherë pas sulmit të Kapitolit nga mbështetës të ish-Presidentit Trump.
Featured image of article: Senati Amerikan shqyrton se çfarë dështoi për të mbrojtur Kapitolin më 6 janar Dhuna ne Kapitol

SHBA– Dy komisione të Senatit po zhvillojnë të martën një seancë dëgjimore gjatë së cilës po shqyrtojnë sulmin ndaj Kapitolit më 6 janar, duke u përqendraur tek çështje të sigurisë si dhe përgjigjja ndaj ngjarjes nga ana e forcave të zbatimit të ligjit.

Para Komisionit të Sigurisë së Brendshme dhe atij të Çështjeve Qeveritare po dëshmojnë zyrtari kryesorë për sigurinë në Senat Michael Stenger dhe ai për sigurinë në Dhomën e Përfaqësuesve ,Paul Irving. Po kështu komisionet do të dëgjojnë edhe dëshmitë e ish-shefit të Policisë së Kapitolit Steven Sund dhe drejtorit në detyrë të Departamentit të Policisë Metropolitane Robert Conte.

Për oficerët Stenger dhe Irving, dëshmia e tyre do të jetë komenti i i parë publik që kur ata dhanë dorëheqjen, menjëherë pas sulmit të Kapitolit nga mbështetës të ish-Presidentit Trump.

Senatorja Amy Klobuchar tha për agjencinë “Associated Press” se ligjvënësit do të përqendrohen tek mënyra se si agjencitë e sigurisë e ndanë informacionin përpara sulmit, kohën që u desh për dislokimin e trupave të Gardës Kombëtare për të ndihmuar oficerët e mbingarkuar të Policisë së Kapitolit dhe nëse strukturat komanduese të njësive përgjegjëse për sigurinë e Kapitolit, kontribuan në dështimet e sigurisë.

Zonja Klobuchar tha se panelet do të zhvillojnë të paktën edhe një seancë tjetër si pjesë e hetimit që ato po kryejnë, për të shqyrtuar përgjigjen e Departamentit të Mbrojtjes, atij të Sigurisë Kombëtare dhe Byrosë Federale të Hetimit ndaj ngjarjes.

Për më shumë bëhu pjesë e grupit më viral në Facebook, Dosja.al

Sulmi i dhunshëm në Kapitol ndodhi ndërsa ligjvënësit ishin mbledhur për të çerfitikuar fitoren në zgjedhje presidenciale të demokratit Joe Biden. Protestuesit thyen dritare e dyer dhe u përplasën me punonjësit e sigurisë duke lënë pas me dhjetra policë të plagosur. Sulmi detyroi anëtarët e Kongresit që të largoheshin dhe vetëm disa orë më vonë ata çertifikuan rezultatin e zgjedhjeve.

Dhuna në Kongres la pesë persona të vdekur, përfshirë një oficer të policisë së Kapitalit.

Në javë pas sulmit, Dhoma e Përfaqësuesve ngriti zyrtarisht akuza ndaj zotit Trump për nxitje të sulmit në Kapitol. Pas zhvillimit të gjykimit mbi këtë çështje Senati e shpalli ish-presidentin të pafajshëm.

Marrë nga VOA

(kle.mu./dosja.al)

Shto Koment