Aktualitet

U kap bashkë me Harun Çelik në Rinas me vizë false/ Dënohet me 1 vit burg Selami Simsek, ‘gylenisti’ kërkon azil në Shqipëri

Dënohet me 1 vit burg gylenisti Selami Simsek. Gjykata dha vendimin me 18 muaj por ai përfitoi nga gjykimi i shkurtuar dhe do të vuajë dënimin prej 12 muajsh.
Featured image of article: U kap bashkë me Harun Çelik në Rinas me vizë false/ Dënohet me 1 vit burg Selami Simsek, ‘gylenisti’ kërkon azil në Shqipëri Selami Simsek

TIRANË– Gjykata e Tiranës e ka dënuar me 18 muaj burg ‘gylenistin’ Selami Simsek, i cili u ndalua nga autoritetet shqiptare në aeroportin e Rinasit teksa përpiqej që të kalonte për në Kanada me vizë false.

Gjyqtari Ahmet Metaliaj e shpalli fajtor për falsifikim të pasaportave duke pranuar edhe kërkesën e Prokurorisë për 1.6 vjet për heqje dënime. 40-vjeçari ka përfituar nga gjykimi i shkurtuar nga i cili do t’i ulet 1/3 e dënimet. Selami Simsek do të qëndrojnë brenda qelisë vetëm për 12 muaj burg.

Gjatë seancës gjyqësore, avokati i tij u shpreh: Nuk jemi dakord me kërkesën për masën e dënimit, nuk ka asnjë rrethanë rënduese që të vijë me këtë dënim kaq të ashpër. Ky person ka dhjetë muaj në burg duke e llogaritur si kohë paraburgimi, ai është i penduar dhe babai i dy fëmijëve të vegjël. Ndërsa Simsek tha nuk kishte asgjë për të shtuar. 

Selami Simsek, u arrestua në Rinas nga autoritetet shqiptare 5 muaj më parë së bashku me mësuesin turk Harun Çelik, ky i fundit tashmë i deportuar nga Shqipëria. Njësoj si Çelik, edhe Simsek u kap me vizë false për të cilën tha se kishte paguar 5 mijë euro në Kosovë për ta marrë. Që prej arrestimit në korrik, Simsek ndodhej në paraburgim në institucionin e vuajtjes së dënimit tek “Mine Peza” numër 302.

Simsek njihet si mbështetës i Fetullah Gylen, njeriut përgjegjës për grushtin e shtetit në Turqi. Ashtu si edhe mësuesi Çelik, edhe Simsek më 8 janar ka kërkuar azil në Shqipëri, duke ndjekur të njëjtën procedurë si miku i tij, tashmë i deportuar.

Turku pretendon se në vendlindje  i rrezikohet jeta për shkak të pikëpamjeve të tij dhe për këtë arsye nuk mund të kthehet.

Për më shumë bëhu pjesë e grupit më viral në Facebook, Dosja.al

“Këtë kërkesë e paraqes pranë zyrës së Kufirit dhe Migracionit Tiranë, që të fillojë procedura në emrin tim sa më shpejt të jetë e mundur, për azil. Këtë kërkesë e paraqes për shkak se në Turqi, shteti mendon që unë jam anëtar i Lëvizjes Gulen, dhe mendoj se atje mund t’i nënshtrohem veprimeve keqtrajtuese”, shkruan Simseku në letrën drejtuar Zyrës shqiptare të Emigracionit.

Për kërkesën e tij, ende nuk ka një vendim , i cili pritet të merret nga Ministria e Brendshme, ndërkohë autoritetet turke kërkojnë ekstradimin e tij në Turqi.

Dosja.al raportoi ekskluzivisht deportimin e 41-vjeçarit, Harun Çelik drejt Turqisë. Harun Çelik, u dërgua në Turqi, megjithëse ai nuk është në kërkim ndërkombëtar. Mësuesi Harun Çelik, u arrestua në muajin korrik në aeroportin e Rinasit, pasi iu gjet një vizë kanadeze, e cila pas kontrollit rezultoi se ishte e falsifikuar. Turku, u dënua nga gjykata me 5 muaj burg, dënim që Çelik, me profesion mësues e vuajti në burgun 302 në Tiranë. Disa javë më parë ai u mor dhe u dërgua direkt e për në Rinas, për t’a ekstraduar në Turqi, ndërsa policia shqiptare pohon jozyrtarisht, se ekstradimi është kryer konform procedurave duke mohuar azilin.

J.V/k.m/Dosja.al

Shto Koment