Bota

Sekretari Blinken: SHBA qëndron pranë Ukrainës kundër veprimeve ‘agresive’ Ruse

Sekretari i Shtetit Antony Blinken ka vizituar Ukrainën mes tensioneve me Rusinë. Blinken tha se do të rrisë ndihmën e sigurisë për Ukrainën pas veprimeve të Rusisë në grumbullimin e trupave pranë kufirit të saj.
Featured image of article: Sekretari Blinken: SHBA qëndron pranë Ukrainës kundër veprimeve ‘agresive’ Ruse Antony Blinken

UKRAINË-  Sekretari i Shtetit Antony Blinken gjatë një vizite në Kiev  synonte të tregonte mbështetje për Ukrainën. Blinken tha të enjten mund të rrisë ndihmën e sigurisë për Ukrainën pas atyre që ai i quajti veprimet “e pamatur dhe agresive” të Rusisë në grumbullimin e trupave pranë kufirit të saj, shkruan reuters.

Blinken gjithashtu tha se Presidenti Joe Biden ishte i etur të vizitonte Ukrainën dhe të takohej me Presidentin Volodymyr Zelenskiy, por nuk dha detaje mbi këtë ose mbi aspiratat e Ukrainës për t’u bashkuar me aleancën ushtarake të NATO-s.

Ne jemi të vetëdijshëm se Rusia ka tërhequr disa forca nga kufiri i Ukrainës, por ne gjithashtu shohim që forca të konsiderueshme mbeten atje, pajisje të konsiderueshme mbeten atje,”- tha Blinken, duke folur së bashku me Zelenskiy.

“Ne po monitorojmë situatën shumë, shumë nga afër. Dhe unë mund t’ju them, Z. President, që ne qëndrojmë fort pranë jush, bëjnë edhe partnerët. Kam dëgjuar të njëjtën gjë kur isha në NATO disa javë më parë dhe ne kërkojmë nga Rusia që të ndërpresë veprimet e pamatura dhe agresive.” Uashingtoni “po shikon në mënyrë aktive në forcimin edhe më tej të bashkëpunimit tonë të sigurisë dhe ndihmës sonë të sigurisë”, tha ai, pa dhënë detaje,“- tha ai.

Zelenskiy tha se Rusia kishte tërhequr vetëm rreth 3,500 nga dhjetëra mijëra trupa të dislokuara në gadishullin e Krimesë të cilën ajo aneksoi nga Ukraina në 2014.

Për më shumë bëhu pjesë e grupit më viral në Facebook, Dosja.al

“Mund të ketë një kërcënim. Askush nuk i dëshiron këto surpriza,”– tha ai.

Blinken kërkon që Ukraina të qëndrojë në rrugën e reformave dhe luftimit të korrupsionit dhe ndikimit të oligarkëve.

(f.i/dosja.al)

 

Shto Koment