Politike

‘S’do t’u besoni veshëve…!’/ PD: Rama shpalli sekret shtetëror tenderin për blerjen e letrave higjienike, Prokuroria të dalë nga karantina

VIDEO
Sekretari i Përgjithshëm, Gazmend Bardhi ka kërkuar që Prokuroria të nisë hetimin, duke shprehur shqetësimin për një kapje të institucionit, sipas tij nga kryeministri Rama. 
Featured image of article: ‘S’do t’u besoni veshëve…!’/ PD: Rama shpalli sekret shtetëror tenderin për blerjen e letrave higjienike, Prokuroria të dalë nga karantina Gazmend Bardhi

TIRANË– Partia Demokratike ka akuzuar qeverinë se po vjedh me tenderat “sekretë”, që po zhvillon gjatë periudhës së koronavirusit në vend. Në një deklaratë për shtyp, sekretari i Përgjithshëm, Gazmend Bardhi tha se qeveria e kryeministrit Edi Rama ka shpallur sekret tenderin për letrën higjienike për pacientët e shtruar në 2 spitalet COVID-19 në Tiranë.

Në fjalën e tij, Bardhi ka kërkuar që Prokuroria të nisë hetimin, duke shprehur shqetësimin për një kapje të institucionit, sipas tij nga kryeministri Rama.

“Në këtë kohë të vështirë, kur pandemia COVID -19 e ka bërë edhe më të vështirë, edhe më të pamundur jetesën, është faktuar se prioriteti më i madh i qeverisë së Edi Ramës është të vjedhë me çdo lloj forme dhe mënyre.  Akoma më shqetësuese është heshtja e Prokurorisë që ka bërë që hajdutët të marrin zemër. I bëj thirrje Prokurorisë të dalë nga karandina. Forma më e re për vjedhje janë tenderat top sekret që mbajnë firmën e Edi Ramës. Kanë shkuar deri aty ku nuk ua pret mendja, tek letrat higjenike. Janë plot 10 tendera të rinj të zhvilluar në datë 18 Prill, që Qeveria i ka klasifikuar përsëri sekret. Është e paimagjinueshme që mes këtyre kontratave sekrete janë dhe tenderat për blerjen e letrave higjienike me procedurë sekrete, letrat e duarve dhe kartopeceta.  Jam i sigurt që çdokush që po e dëgjon këtë tani nuk u beson veshëve. Por vendimi i qeverisë së Edi Ramës, i publikuar mbrëmë në fletoren zyrtare, nuk lë vend për asnjë hamendje. Letrat higjenike për të sëmurët me COVID dhe stafin mjekësor që kujdeset për ta janë shpallur sekret. Mjerim më të madh për një qeveri nuk mund të ketë. Ka arritur deri aty sa një procedurë që përdoret për interesin thelbësor të shtetit, atë të sigurisë kombëtare, e përdor për të mbuluar, me siguri, vjedhjen e radhës me tenderin sekret të letrave higjienike”, tha Bardhi. 

Për më shumë bëhu pjesë e grupit më viral në Facebook, Dosja.al

Që prej rasteve të para të koronavirusit, opozita ka dënoncuar tenderat e qeverisë, duke nisur me atë të Rezervave të Shtetit, ku SPAK ka nisur një hetim për ministren e Mbrojtjes, Olta Xhaçka. PD akuzon se është favorizuar një kompani nga Maqedonia e Veriut, që vetëm 6 ditë para tenderit shtoi si shërbim të saj edhe ushqimet.

(k.m./dosja.al)

Shto Koment