Politike

“S’do t’i gëzoni paratë e pista”, Rama ‘luftë’ kodesh me bandat: Duan t’i pastrojnë në zona turistike (VD)

Kryeministri Edi Rama, vazhdon të sulmojë me "kode" bandat kriminale që veprojnë në Shqipëri.

TIRANË- Një mesazh për kriminelët dhe bandat, kryeministri Edi Rama e dha nga mbledhja e përjavshme e bashkëqeverisjes. Teksa dëgjoi ankesën e një qytetari për Kadastrën e Durrësit, Rama tha se paratë e krimit, nuk do të gëzohen dhe as pasuritë e grabitura prej tyre.

“Na preke në një plagë të hapur që është Kadastra e Durrësit. Ligji special dhe masat speciale kundër KÇK do ta çlirojnë kadastrën e Durrësit dhe ato të shqipërisë nga rrethimi që është mbledhur prej shumë e shumë vitesh. Krimi i organizuar po përpiqet të shpërlajë paratë e pista në zona turistike. Por nuk do t’i gëzojnë. E kam dëgjuar këtë, që s’do të funksionojë kështu. Por të funksionojë siç duhet, duhet të kemi shtetin modern evropian, që s’bëhet sa hap e mbyll sytë, dhe aq më tepër t’a ndërtosh nga gërmadhat. Megjithatë jam dakord me ato që the dhe përsëri po të them, se sa kanë ‘shirë nuk do shinë’. Çfarë kanë grabitur s’do e gëzojnë.”-tha Rama.

Deklarata e kryeministrit Edi Rama vjen pak ditë pas atentatit që ndodhi në Shkozet, ku prokurori i sulmuar nga qeveria, Arjan Ndoja ra pre e një atentati. Rama e quajti Ndojën në tetor një prokuror që punon për bandat, pasi ai arrestoi drejtorin e Kadastrës Durrës, Liridon Pula. Sipas Braçes, arsyeja e arrestimit ishte lobimi i prokurorit për regjistrimin e pronave të bandave në Gjirin e Lalëzit, një zonë turistike, tejet e lakmuar, që Rama iu referua sot pa e përmendur.

(F.g/dosja.al)

Një Koment në ““S’do t’i gëzoni paratë e pista”, Rama ‘luftë’ kodesh me bandat: Duan t’i pastrojnë në zona turistike (VD)

  1. K/ministri le t’ia thote vetes ate… ‘nuk do t’i gezoje parate e pista’. Nese ky nuk behet shembull Shqiperia do shkoje edhe me keq me damken…’nuk ndeshkohet askush ne Shqiperi’.

Shto Koment