Politike

Lleshaj paralajmëron goditje të krimit: S’do ketë kufizime gjeografike, shumë shpejt do prezantohet njësia anti-korrupsion dhe anti-evazion (VD)

Pas takimit ministri i Brendshëm është pyetur nga media për njësinë e re anti-korrupsion dhe anti-evazion që janë bërë publike nga Rama dhe tha se lufta kundër krimit nuk do të ketë kufizime gjeografike dhe do të shtrohet në të gjithë territorin e Republikës.
Featured image of article: Lleshaj paralajmëron goditje të krimit: S’do ketë kufizime gjeografike, shumë shpejt do prezantohet njësia anti-korrupsion dhe anti-evazion (VD) Sandër Lleshaj, ministër i Brendshëm

VLORË- Ministri i Brendshëm Sandër Lleshaj ka marrë pjesë sot në analizën e Prefekturës së Vlorës për vitin 2019, duke e quajtur një vit në tërësi të suksesshëm. Lleshaj për vitin 2020 theksin e vuri tek rindërtimi pas tërmetit në zonat e prekura, lufta kundër krimit të organizuar, siguria rrugore, kontrolli i territorit, sezoni turistik dhe shërbimet online. Pas takimit ministri i Brendshëm është pyetur nga media për njësinë e re anti-korrupsion dhe anti-evazion që janë bërë publike nga Rama dhe tha se lufta kundër krimit nuk do të ketë kufizime gjeografike dhe do të shtrohet në të gjithë territorin e Republikës.


Njësia është në krijim e sipër, sepse nuk mund të them se si do të jetë trajta përfundimtare e saj por bëhet fjalë për krijimin e një strukture, e cila do të adresojë me theks të veçantë krimin ekonomik dhe korrupsionin, dy fusha të cilat meritojnë qasje të re. Vetëm kaq mund të them sot. Kur të formalizohet do të dini detajet. Lufta kundër krimit nuk ka kufizime gjeografike, ajo do të shtrihet në të gjithë territorin e Republikës së Shqipërisë.

Situata, jo vetëm në Vlorë, por në të gjithë Shqipërinë, statistikisht është më e mira se sa të gjitha vitet që kemi kaluar, por sigurisht kjo nuk është një arsye që ne të flemë. Përkundrazi ne synojmë të shtojmë intensitetin e punës së policisë dhe strukturave të tjera për ta përmirësuar më tej rendin, sigurinë publike në Vlorë.“, ishte kjo një pjesë e deklaratës së Lleshajt.

Për më shumë bëhu pjesë e grupit më viral në Facebook, Dosja.al

Njësia anti-korrupsion dhe anti-evazion është bërë publike nga Rama gjatë vizitës së tij në SHBA dhe ka lajmëruar se në mars do jenë gati, Këto dy njësi do kenë fokusin tek lufta kundër korrupsionit dhe evazionit dhe do jenë pjesë e anti-KÇK-së. Për këto operacioni nuk do ketë struktura të reja, por do zgjerohen strukturat ekzistuese në institucionet qendrore në vend.

(A.B. Dosja.al)

Shto Koment