Bota

Salvini takohet me Le Pen: Në maj fitojmë zgjedhjet në BE, sundojmë ndaj socialistëve

Dy politikanët e krahut të djathtë u takuan në Paris të premten, ku Salvini shkoi në Francë për të takuar ministrat e brendshëm të grupit G-7
Featured image of article: Salvini takohet me Le Pen: Në maj fitojmë zgjedhjet në BE, sundojmë ndaj socialistëve Mateo Salvini dhe Marie Le Pen

ITALI- Kryetari i Partisë Lega Nord në Itali, Mateo Salvini, ka zhvilluart sot një takim me Marie le Pen, e cila njihet si anti evropiane. Në takimin e tyre sipas mediave të huaja është diskutuar për zgjedhjet e ardhshme në BE.

Dy politikanët e krahut të djathtë u takuan në Paris të premten, ku Salvini shkoi në Francë për të takuar ministrat e brendshëm të grupit G-7. Le Pen dhe Salvini të cilët janë aleatë të vjetër në BE kishin një “takim të përzemërt”, sipas medias lokale.

Ndërsa disa detaje të takimit janë bërë publike, pasi të dy publikuan një foto të tyre së bashku dhe  treguan vendosmërinë e tyre të përbashkët përpara sondazheve. “Jemi gati së bashku me Matteo Salvinin për të fituar zgjedhjet evropiane më 26 maj“, shkroi Le Pen.

Salvini, nga ana e tij, tha se të dy po kërkojnë të sjellin anëtarë të rinj në aleancën e tyre dhe të ndihmojnë “të sjellin një sens të përbashkët në Evropë”. “Ne jemi duke përgatitur një ngjarje madhore për Evropën e 30 viteve të ardhshme në maj në Itali, ku do të ftojmë të gjitha lëvizjet evropiane që janë alternativa ndaj sundimit të socialistëve dhe Partisë Popullore Evropiane të viteve të fundit“, u tha Salvini gazetarëve.

Sidoqoftë, mbetet e paqartë se cilat parti specifike të krahut të djathtë do të marrin pjesë në këtë koalicion. Partia e Salvinit është anëtare e bllokut të Evropës së Kombeve dhe Lirisë, së bashku me tubimin kombëtar të Le Pen dhe Partinë e Lirisë së Austrisë.

(A.B. Dosja.al)

Shto Koment