Aktualitet

‘Saliu dhe Meta do ta ndalojnë?’, Ngjela: Ku pyet Uashingtoni për 30 kontrollorë në Rinas! Rrini të qetë, nisin fluturimet

Përmes një statusi në rrjetet sociale ai shkruan se ditën e sotme do të rinisin fluturimet në aerportin e Rinasit, pasi Uashingtoni nuk pyet për 30 kontrollorë.
Featured image of article: ‘Saliu dhe Meta do ta ndalojnë?’, Ngjela: Ku pyet Uashingtoni për 30 kontrollorë në Rinas! Rrini të qetë, nisin fluturimet Spartak Ngjela

TIRANË– Avokati i njohur Spartak Ngjela ka reaguar pas protestës së kontrollorëve në Rinas. Përmes një statusi në rrjetet sociale ai shkruan se ditën e sotme do të rinisin fluturimet në aerportin e Rinasit, pasi Uashingtoni nuk pyet për 30 kontrollorë.

Ai shkruan se sot do të rinisin fluturimet e se këtë nuk e ndalon as Saliu dhe as Meta.

STATUSI:

Ç’janë këta budallenj që dëgjojnë të deprimuarit nga akuza për korrupsion dhe bllokojnë Areoportin Nënë Tereza në Tiranë?Ku mund të bllokohet dot një aeroport në një vend të NATO–s? Kurrë!Budallenj: pse pak kontrollorë ajrorë ka në Uashington dhe në Berlin. NATO ka qindra aeroporte ushtarakë, dhe po kaq janë bazat amerikane.Kaq të leshtë paskan qenë drejtuesit politikë të kontrollorëve dhe vetë kontrollorët!!!Në datën 25 prill NATO ka në Shqipëri stërvitjen DEFENDER… Saliu dhe Meta do ta ndalojë këtë? Hajde mendjengushtësi, hajde!Janë në depresion, por kontollorë zestë pse vajtën dhe humbën punën, dhe lirinë.!!!Ku pyet Uashingtoni për 30 kontrollorë në Rinas përpara një stërvitjeje ushtarake nga më të mëdhatë e kohës?Rrini të qetë. Nesër fillojnë fluturimet, por mjerë kontrollorët nëse janë edhe të paguar.

Për më shumë bëhu pjesë e grupit më viral në Facebook, Dosja.al

Cfarë ndodhi ditën e djeshme?

Aeroporti i Rinasit ka pezulluar ditën e djeshme të gjitha fluturimet, ndërkohë që anulimi vijon dhe ditën e sotme. Shkak është bërë mosplotësimi i kërkesave të kontrollorëve. Ministrja Belinda Balluku ka hequr të gjitha përgjegjësitë nga shteti, ndërsa ka ngritur alarmin për “puç shteti”. Presidenti Ilir Meta ka kërkuar zgjidhje nga qeveria, ndërsa kryeministri Edi Rama i ka kërcënuar punonjësit e ‘Albcontrol’ me burg. Në letrën e publikuar nga Dosja.al të nënshkruar nga punonjësit thuhej se ata kanë nevojë për një periudhë tre ose katër ditore rikuperimi pasi ndihen të lodhur dhe të stresuar nga mungesa financiare për shkak të pandemisë.

(a.b)/dosja.al

Shto Koment