Politike

Salianji tregon aksionin e PD: Më 15 shtator publikohen kandidatët për deputet dhe kryetar bashkie

Salianji theksoi se PD ka nisur përgatitjen shumë kohë më parë për të përzgjedhur kandidaturat e saj për zgjedhjet lokale dhe të përgjithshme
Featured image of article: Salianji tregon aksionin e PD: Më 15 shtator publikohen kandidatët për deputet dhe kryetar bashkie Ervin Salianji, ish-deputet i PD

TIRANË- Ish-deputeti i Partisë Demokratike, Ervin Salianji të martën është shprehur se PD ka parashikuar që deri me datë 15 shtator, të përzgjedhë kandidatët për deputetë dhe kryetar bashkish.

I ftuar në emisionin “Në Fokus” në televizionin TVT me gazetarin Nertil Agalliu, Salianji theksoi se PD ka nisur përgatitjen shumë kohë më parë për të përzgjedhur kandidaturat e saj për zgjedhjet lokale dhe të përgjithshme, një proces i cili pritet të përfundojë nga mesi i muajit shtator.   

Ne si forcë politike kemi nisur përgatitjen shumë kohë më përpara dhe tani, deri me datë 15 shtator, do të mbyllim dhe do të përfundojmë procesin e përzgjedhjes së kandidatëve për kryetar bashkie dhe për deputet”, tha ai.

Ndër të tjera, Salianji foli edhe për garancitë e procesit zgjedhor, ku sipas të cilit, strukturat e Partisë Demokratike do të monitorojnë fushatën dhe do të denoncojnë në çdo rast të ndonjë konstatimi për shitblerje vote apo presione të formave të ndryshme ndaj qytetarëve.

Për më shumë bëhu pjesë e grupit më viral në Facebook, Dosja.al

I pyetur më tej në lidhje me mundësinë e zhvillimit të zgjedhjeve lokale vitin e ardhshëm, ish-deputeti demokrat theksoi se ndërkombëtarët, por edhe partitë popullore europiane kanë kërkuar që zgjedhjet lokale të mbahen në të njëjtën ditë me ato parlamentare dhe kjo për shkak të votimeve të papranuara moniste të 30 qershorit.

Padiskutim, kjo kërkon një proces ligjor, pra, krijimin e Gjykatës Kushtetuese deri në momentin e zgjedhjeve që mund të jetë nëntori i këtij viti ku mund të ketë një vendimmarrje për të kaluar në zgjedhjet lokale dhe mbase mund të jenë të njëkohshme me ato të përgjithshme”, tha ai.

(Marrë nga TVT)

Shto Koment