Aktualitet

Saga e Gjakmarrjes ka mbetur 3 me 3/ Si nisi lufta e familjes së Gjin Ndojit me fisin kundërshtar në 1997-n, për hakun e të vëllait 27-vjeçari vrau tre persona natën e Bajramit

Babai i Gjin Ndojit, Ndoji rezulton se është ekzekutuar në atë kohë me disa plumba automatiku. Ndoj Ndoji, ka ndërhyrë për të shuar një konflikt mes fqinjëve të tij, por përballja me të armatosurit e la të vdekur.
Featured image of article: Saga e Gjakmarrjes ka mbetur 3 me 3/ Si nisi lufta e familjes së Gjin Ndojit me fisin kundërshtar në 1997-n, për hakun e të vëllait 27-vjeçari vrau tre persona natën e Bajramit Gjin Ndoji dhe ilustrim

TIRANË Dosja.al ka zbardhur detaje rreth të kaluarës së familjes së Gjin Ndojit, 27-vjeçari që u ekzekutua me kallashnikov në Vaun e Dejës. Mësohet se familja e Gjin Ndojit, ka qenë e rrezikuar nga gjakmarrja prej 23 vitesh, dhe kjo është një nga pistat ku janë fokusuar edhe hetimet për vrasjen e të riut.

Por çfarë ndodhi në vitin e ‘rrëmujave’, në 1997?

Babai i Gjin Ndojit, Ndoji rezulton se është ekzekutuar në atë kohë me disa plumba automatiku. Ndoj Ndoji, ka ndërhyrë për të shuar një konflikt mes fqinjëve të tij, por përballja me të armatosurit e la të vdekur.

Gjithsesi, nga ana e familjes Ndoji, gjërat nuk u lanë me kaq. Hakun e babait të 27-vjeçarit të ndjerë, e mori vëllai i tij.  Gjin Ndoji ekzekutoi me armë zjarri personin që i vrau të vëllanë, dhe në këtë mënyrë, ‘gjaqet’ mes dy familjeve u shuan. Të paktën kështu parashikon Kanuni. Por diçka do të ndodhte, që saga e gjakmarrjes do të rikthehej sërish mes dy fiseve. Pak vite pasi humbi të atin, plumbat do t’i merrnin jetën edhe vëllait të Gjin Ndojit.

Dyshimet e të riut ishin pikërisht mbi fisin e kundërshtarëve, të cilëve ai shkoi t;u kërkonte llogari natën e festës së Bajramit.  Pavarësisht mohimeve nga pala tjetër, i riu që u ekzekutua me kallashnikov në Vaun e Dejës, i ekzekutoi të tre anëtarët e fisit tjetër. Për këtë ngjarje, i riu u vu në pranga. Ai bëri disa vite burg, por më pas u lirua.

Për më shumë bëhu pjesë e grupit më viral në Facebook, Dosja.al

Më pas Ndoji, vijoi me aktivitetin e tij. I riu dyshohet se ishte përfshirë edhe në trafikun e lëndëve narkotike, dhe ndryshoi mbiemrin. Kohët e fundit, Gjon Ndoji, identifikohej si Gjin Boriçi.

Në zonë, ai njihet edhe për miqësinë me anëtarë të fisit Bajri, konkretisht me Behar Bajrin. Viktima ishte edhe shok me këngëtarin Arkimed Lushaj, i njohur ndryshe si Stresi, i cili reagoi i pikëlluar pas ekzekutimit.

Gjin Ndoji u ekzekutua një ditë më parë me kallashnikov, vetëm pak metra larg automjetit të llojit “BMW” që ai kishte marrë me qira. Grupi hetimor ka sekuestruar pothuajse të gjitha kamerat në rrugën Tiranë-Shkodër, për të parë lëvizjet e viktimës dhe për të zbardhur ngjarjen.

Përveç gjakmarrjes, pista tjetër ku po hetohet është ajo e konflikteve për pazare droge apo larje hesapesh mes bandave. Kjo për shkak të miqësive të viktimës, i cili dyshohet se ka marrë pjesë edhe në disa ngjarje kriminale që kanë tronditur Shkodrën vitet e fundit, dhe kanë pasur në fokus përplasjet mes grupeve të forta që operojnë në këtë zonë.

(f.m/dosja.al)

Shto Koment