Bota

Rusia mbështet publikisht marrëveshjen e Washingtonit, vjen prononcimi i parë nga Lavrov

Lavrov tha sot, duke iu përgjigjur pyetjeve të gazetarëve, se Rusia mbështet të gjitha marrëveshjet e arritura Kosovë-Serbi.
Featured image of article: Rusia mbështet publikisht marrëveshjen e Washingtonit, vjen prononcimi i parë nga Lavrov Sergej Lavrov,

MOSKË– Rusia ka mirëpritur marrëveshjen e nënshkruar midis Beogradit dhe Prishtinës mbi normalizimin ekonomik në Uashington. Reagimi i parë ka ardhur nga kryediplomati rus, Sergej Lavrov.Lavrov tha sot, duke iu përgjigjur pyetjeve të gazetarëve, se Rusia mbështet të gjitha marrëveshjet e arritura Kosovë-Serbi.

“Ne besojmë se kjo është bërë në interes të një zgjidhjeje dhe nuk kemi asnjë arsye të dyshojmë se udhëheqja serbe vazhdon të mbështesë zbatimin e plotë të rezolutës 1244 të Këshillit të Sigurimit të KB. Ne do të mbështesim me vendosmëri Serbinë në hapat që ajo i konsideron të nevojshme për të merrni brenda kornizës së kësaj rezolute. Rusia mbështet çdo marrëveshje të arritur vullnetarisht midis Beogradit dhe Prishtinës për të zbatuar atë që tashmë është rënë dakord dhe marrëveshjen e vitit 2013 mbi krijimin e komunave serbe në Kosovë që do të siguronte të drejtat e serbëve që jetojnë atje,”- tha ai.

Për më shumë bëhu pjesë e grupit më viral në Facebook, Dosja.al

Më 4 shtator, Serbia dhe Kosova u takuan në Uashingon dhe nënshkruan marrëveshje me karakter ekonomik.

(k.m/dosja.al)