Politike

Rikandidimi? Ruli mesazh të koduar Berishës: Lavdia e tij mjafton për dy jetë… por vendos vetë ta mbyllë, pa ta mbyllur të tjerët ty

Ish ministri i Berishës do të jetë në komisionin e vlerësimit të kandidatëve, por ai nuk ka ambicie për të qëndruar aktiv në politikë.
Featured image of article: Rikandidimi? Ruli mesazh të koduar Berishës: Lavdia e tij mjafton për dy jetë… por vendos vetë ta mbyllë, pa ta mbyllur të tjerët ty Genc Ruli, ish-ministër i PD
Përditësuar:

TIRANË- U rikthye në selinë blu, 3 vjet pas kritikave të forta që i bëri Lulzim Bashës. Por akujt mes Genc Rulit dhe liderit demokrat janë shkrirë me shpejt. “Mund të kemi të paktën dy vjet që jemi ulur herë pas here. Ndjehem akoma më mirë kur shoh që ka vëmendje dhe ai më dëgjon në këto këshilla të mirat. Shërbimin në funksion të përzgjedhjes së kandidaturave më të mira, e shoh si  një detyrim moral dhe politik që kam në parti”.

Ish ministri i Berishës do të jetë në komisionin e vlerësimit të kandidatëve, por ai nuk ka ambicie për të qëndruar aktiv në politikë. “Unë përsëri nuk do të kandidoj për deputet, nuk do të pretendoj për të marrë pjesë në ekipet qeverisëse të PD-së, unë do të rri përsëri këtu në shtëpinë time”. Deri në 15 shtator, komisioni do të vlerësojë rreth 2000 emra të propozuara nga baza demokrate.

“Komisioni nuk ka ndërmend të bëjë ndonjë revolucion në politikë. Eksperienca, karriera në PD, qëndrimet që ka mbajtur sidomos në betejat kyce të PD-së, për mua do të prevalojë si kriter.” Komisioni nuk do të japë mendim për kupolën drejtuese të demokratëve. Gjithsesi, Ruli lë të kuptojë se Berisha e ka marrë lavdinë nga politika.

“Lavdia e zotit Berisha do të mjaftonte për dy jetë, jo për një, por ai është një njeri energjik, pa diskutim. Por i takon atij të shprehet për këtë gjë. Secili duhet të dijë  ta ruajë vetë lavdinë dhe shkëlqimin e tij. Ti vendos që karriera ime politike ka qenë e vrullshme, ka kaluar në të gjitha kulmet e saj, sot është dita që unë ta mbyll, për të mos ta mbyllur të tjerët ty.”

Për më shumë bëhu pjesë e grupit më viral në Facebook, Dosja.al

Mes emrave të propozuar nga baza për tu bërë deputetë është edhe kritikja tjetër, Jozefina Topalli. Por Roli nuk jep një verdikt nëse ajo duhet apo jo të kandidohet. “Për gjykimin që do të bëhet për të, jam i detyruar të ruaj kodin e etikës së komisionit ku bëj pjesë”.

Por kritikë të tjerë, si Majlinda Bregu, Astrit Patozi, Arben Imami ende nuk kanë pasur kthesën e Rulit për të hedhur pas të shkuarën e për të bashkuar fuqitë demokrate kundër Edi Ramës. Sipas Genc Rulit, përgjegjësia mund të jetë e të dyja palëve. “Unë mirëpres që Basha të ndërmarri, apo edhe ata të  shprehen, sepse duhet të jetë reciproke, nëse duan apo jo të angazhohen në këtë proces elektoral, kur unë nuk them se janë të pandikueshëm dhe të padobishëm pozitivisht për këtë garë elektorale”. 

Ndryshimi i njëanshëm i Kushtetutës, për Genc Rulin nuk dëmton demokratët, të cilëve ju sheh si favor rritjen e besimit në elektorat, shoqëruar me një qeveri të konsumuar, që po mban pushtetin, por nuk po qeveris.

(Marrë nga Abcnews.al)

2 Komente në “Rikandidimi? Ruli mesazh të koduar Berishës: Lavdia e tij mjafton për dy jetë… por vendos vetë ta mbyllë, pa ta mbyllur të tjerët ty

  1. Njerezit me dinjitet e karakter bejne gjenetikë e duhur. Kam pershtypjen qe ne ‘shqipot’ kemi bese por jo mirenjohje. Prandaj gjithmone gjerat shkojne ashtu sic nuk duhet dhe jo drejte.

  2. Nuk mund te flitet per mirnjohje si popull, pasi mirenjohja eshte teper individuale dhe teresisht karakteriale, por mund te themi qe, si popull, nuk jemi fare te beses, prandaj edhe "i kendojme beses", dhe kjo per shume aresye, por kryeisht per faktin qe kemi pasur qe prej fillimdites raport veshtire me besimin fetar (jemi i vetmi popull nen popujt e pushtuar nga turku, qe nrruam fene).

Shto Koment