Politike

Rudina Hajdari s’heq dorë nga gafat, nis fjalim dhe përfundon me recitim, shikoni si flet me pathos (VIDEO)

Fjalitë që ka artikuluar Hajdari nuk janë fort të kuptueshme, duke përfshirë këtu epitetetin që i ka vendosur Bashës si “Kryetari në tentativë i legjionit të shpërbërë”, apo metaforat “Biznesi po gulçon”, apo “ushtri e mpirë”.

TIRANE- Deputetja e Partisë Demokratike në Parlament, Rudina Hajdari e ka të garantuar një vend në Teatër. Pas gafave të përjavshme që ka lëshuar, sot, deputetja ka vendosur të flasë ashpër për situatën politike, dhe ka përfunduar me recitim.

Fjalitë që ka artikuluar Hajdari nuk janë fort të kuptueshme, duke përfshirë këtu epitetetin që i ka vendosur Bashës si “Kryetari në tentativë i legjionit të shpërbërë”, apo metaforat “Biznesi po gulçon”, apo “ushtri e mpirë”.

Pjesë nga recetimi i Rudina Hajdarit

Ndërkohë që gjenerali hije me ushtri të mpirë ëndërron se ka punësuar në Shqipëri më shumë se gjysma e gjithë rajonit, biznesi po gulçon e kllapia e gjatësisë së tij e kap. Ndërkohë që gjenerali hije me ushtri të mpirë me gastorin e tij kimik luan luftrash, njerëzisë u idhtohet shpirti e iu përloten sytë. Nga krahu tjetër kryetari në tentativë i legjionit të shpërbërë u premton mjekëve se do t’i lajë me flori, mjekët dhe gjithë njerëzia cuditen.
Ndërkohë që kryetari në tentativë i legjionit të shpërbërë u premton Astirasve se nga Astiri nuk do heqë Astirin e ka për të qenë përherë Astir, Tirana vazhdon anormalitetin e anormalëve.

Ditën e sotme është zhvilluar seanca plenare në Kuvend, ku në rend të ditës ka qenë interpelanca e kërkuar nga deputeti Lefter Maliqi me ministren Etilda Gjonaj, si edhe dekreti i Metës për Vettingun në Polici, dekret ky që u rrëzua nga mazhoranca socialiste.

Në seancë u betuan edhe 12 deputetët e rinj të opozitës, si dhe nuk mungoi debati nga deputetët Rudina Hajdari dhe Ralf Gjoni që akuzuan dyshen Rama-Basha se kanë bërë marrëveshje në kurriz të shqiptarëve. Pretendimi i tyre, u mohua nga Balla dhe Spiropali.

(F.g; a.f & a.s/dosja.al)

Shto Koment