Politike

“Rrugëtimi për Shqipërinë”, Basha zotohet para të rinjve në Elbasan: Unë dhe PD do kthejmë shpresën në vend

Më tej numri një i opozitës foli dhe për migrimin, ku shtoi se sot emigracioni është një problem i tmerrshëm ekonomok. “Humbja potenciale e mundëshme nga emigracioni është 559 milion euro”, u shpreh ai.

ELBASAN- Kreu i Partisë Demokratike ka nisur sot nga Elbasani turin e takimeve “Rrugëtimi për Shqipërinë”. Sot pasdite Basha është takuar me të rinjtë e këtij qyteti, ku është shprehur se zotimi i parë i tij dhe i PD-së është rikthimi i shpresës në vend.

Basha i është drejtuar të rinjve të pranishëm dhe ka thënë se qeveria aktuale ka dështuar me ta duke u vrarë shpresën. “Rinia është ajo që i kane hequr te parës vëmendjen qeveritarët e sotëm. Dështimi numër një i kësaj qeverie, është dështimi me rininë. Jo për faj të rinisë por për shkak se kjo qeveri ka vrarë shpresen”, tha kreu i PD.

Lulzim Basha gjatë takimit në Elbasan

Më tej numri një i opozitës foli dhe për migrimin, ku shtoi se sot emigracioni është një problem i tmerrshëm ekonomok. “Humbja potenciale e mundëshme nga emigracioni është 559 milion euro”, u shpreh ai.

Sa shumë gjëra të mira mund të ishin bërë me 559 milion euro për vendin e sidomos për rininë. Plaga më e madhe e emigracionit është se po prek kryesisht rininë”, vijoi më tej kreu i PD.

Turi i takimeve “Rrugëtimi për Shqipërinë” ka nisur sot dhe do të vijojë në të gjithë qytetet e Shqipërisë. Kjo është forma e zgjedhur në kuadër të aksionit opozitar, ku do të takohet me qytetarët dhe të diskutojë problemet e tyre. Forma me protesta duket se është harruar nga opozita dhe tashmë me qytetarët do të kumunikohet sy më sy. Basha nesër do të jetë në Korçë e më tej do të vijojë me Shkodrën, Vlorën e qytetet e tjera në vend.

(A.B. Dosja.al)

  • 19:08

    “Balla më degjeneroi mbiemrin”, studentja tregon ‘hallin’ para Bashës: Jam nga Librazhdi

    Një studente ka treguar përballë kryedemokratit Lulzim Basha se ndihet e ofenduar pasi ka të njëjtin mbiemër me Taulant Ballën, kreun e grupit të PS-së.

    Në takimin që Basha zhvilloi pasditen e sotme në Elbasan në kuadër të programit të ri të Lulzim Bashës “Rrugëtimi për Shqipërinë”, studentja tregoi se problemi më i madh te të rinjtë është largimi i tyre.

    Taulant Balla më degjeneroi mbiemrin. Jam nga Librazhdi dhe kam të njëjtin mbiemër me të, por s’është e drejtë. Ai është mashtrues klasik, por ne që kemi këtë mbiemër nuk jemi të tillë.

    Ai na e ka ulur mbiemrin,”– tha studentja.

    Kryedemokrati theksoi më pas se largimi i të rinjve është shumë problem në Shqipëri.

    Problemi më i madh në vend, emigracioni. Për studenten e ekonomisë që e nxiti e para cështjen, është një problem i madh largimi i të rinjve. Unë kam qenë vetë jashtë dhe mund tju them se kam kaluar mirë. Por nuk ka vend që të bëhet si i yti. Por është një problem i tmerrshëm ekonomik. Dua të ndaj këto shifra që janë të tmerrashme humbja për ekonominë shqiptare,”- tha Basha më tej.

Shto Koment