Aktualitet

‘Shpejtësi vrastare’/ Shoferët, spektakël me 191 km/h në autostradën Tiranë-Durrës, Policia: Kjo ju vret jetën (VD)

Për rreth 5 orë patrullim, Policia ka konstatuar 20 raste të shpejtësisë tej normave të lejuara që varionte nga 141 km/h deri në 191 km/h.

TIRANË– Policia Rrugore ka vijuar kontrollet me radarë në rrugën interurbane Tiranë- Durrës me qëllim rritjen e sigurisë rrugore. Gjatë kontrolleve, Policia ka ndaluar një shofer, i cili po qarkullonte me 191 km/h.

Për rreth 5 orë patrullë, Policia ka konstatuar 20 raste të shpejtësisë tej normave të lejuara që varionte nga 141 km/h deri në 191 km/h dhe të gjithë drejtuesit e mjeteve u dërguan në Organin Administrativ Shtetëror.

“Shpejtësi pa asnjë urgjencë, pa asnjë shkak, shpejtësi që vret jetën, cenon rëndë sigurinë rrugore të përdoruesve të tjerë të rrugës, shpejtësi që në shumë raste fatkeqe patenta është dërguar pa të zotin pranë familjes. Radari dhe polici rrugor në këto raste,”-shkruhet ndër të tjera në postimin e Policisë së Shtetit.

Postimi i plotë:

VITI 2020, VITI I SIGURISË RRUGORE

Me Policinë Rrugore në rrugën interurbane Tiranë- Durrës-Tiranë
Kontrolle të pandërprera me Radar për të parandaluar shpejtësinë tej normave të lejuara, me qëllim rritjen e parametrave të sigurisë rrugore .

191 km/h ✈. E pa pranueshme kjo shpejtësi vrastare

Për 300 minuta kontroll me radar në këto akse rrugore deri në këto momente u konstatuan 20 raste të shpejtësi tej normave të lejuara që varionin nga 141 km/h deri në 191 km/h.

20 drejtues mjetesh u dërguan ne OASH, por u parandaluan 20 aksidente.

Për më shumë bëhu pjesë e grupit më viral në Facebook, Dosja.al

Shpejtësi pa asnjë urgjencë, pa asnjë shkak, shpejtësi që vret jetën, cenon rëndë sigurinë rrugore të përdoruesve të tjerë të rrugës, shpejtësi që në shumë raste fatkeqe patenta është dërguar pa të zotin pranë familjes. Radari dhe polici rrugor në këto raste 👍👍👍

Drejtues mjetesh:

Stop shpejtësisë fluturuese para se aksidenti të ndalojë ju.

Gjithmonë kujto; qarkullojmë më ngadalë për të jetuar më gjatë.

Drejto automjetin duke respektuar rregullat e qarkullimit rrugorë; dikush po pret në shtëpi.

Binduni policisë rrugore; ndiqni rregullat e trafikut për të shmangur aksidentet.

Jeta është e shtrenjte, mbrojeni atë.

#kontribuodhetinesigurineejetes

(k.m;E.K/dosja.al)

Shto Koment