Blog

Ju që shani Alketën, pini uthull!

Pikërisht aty, në sallën e atij festivali ku kanë performuar sa e sa yje italianë e botërorë të muzikës dhe ne të themi që Alketa na turpëroi?
Featured image of article: Ju që shani Alketën, pini uthull! Alketa Vjesiu në Sanremo

TIRANË- Çfarë nuk u tha e çfarë nuk u shkrua për Alketa Vejsiun për daljen mbrëmë në Sanremo. Por shprehja që më ka lënë pa fjalë ishte: Na turpëroi dhe na fëlliqi. Epo ky është kulmi! A ka sukses më të madh kur një grua shqiptare arrin të shfaqet dhe moderojë në Sanremo? Pikërisht aty, në sallën e atij festivali ku kanë performuar sa e sa yje italianë e botërorë të muzikës dhe ne të themi që Alketa na turpëroi?

Vetëm një masë njerëzish me probleme me veten, që kanë si ushqim urrejtjen për të mirën, që zilinë e kanë bashkëudhëtare të jetës, që janë rritur keq, janë ushqyer po aq keq dhe që u mungon pozitiviteti mund të thonë që Alketa na turpëroi. Lëre pastaj ata dyshuesit e sëmurë që shkruajnë se ka dhënë para për të qenë atje. Edhe sikur kjo të jetë e vërtetë, unë pyes: a mund të pranohet në Sanremo edhe një i paaftë vetëm se ka dhënë para!?

Për më shumë bëhu pjesë e grupit më viral në Facebook, Dosja.al

Kjo është të mbash barkun me dorë. A bëri gabime Alketa? Vetëm kush fle gjumë nuk bën gabime. Unë që si zanat kam fjalën, mund të numëroj disa. Por, ma ajo bëri një gjë aq të madhe për të gjithë ne. Na bëri krenarë! Ne që 29 vjet më parë iu qepëm litarëve të anijeve dhe sulmuam Italinë fiqnje, ashtu të rreckosur, të pangrënë dhe të paparë. Apo i harruat ato pamje? O njerëz! Alketa është produkt 100 për qind shqiptar dhe arriti në majë. Kush nuk e kupton dhe nuk e vlerëson këtë, të pijë uthull tërë ditën dhe tërë jetën. Unë kam vetëm këto fjalë: Faleminderit Alketa! Na bëre krenarë!

4 Komente në “Ju që shani Alketën, pini uthull!

  1. Qenke uthullu dhe ti shume nga komentet. Na cuditet a thua shkoi ne hene, a thua tha ndonje gje te mencur. O njerez nuk e kane problem shqiptaret se arriti Alketa ne Sanremo, por kane problem me cektesine dhe tangerllikun e saj, sepse njerezit e vegjel shesin mend, e ajo vjen ere km larg per shitje mendsh. Ka Shqiperia vajza shume me te talentuara qe kane prekur skena me te medha dhe jane shume modeste, vetem kjo e Bleona na vijne me delirin e madheshtise dhe u turren shqiptareve se qenkane ziliqare e xheloze. Po pse nuk shajne shqiptaret Rita Oren dhe Dua Lipan, qe jane te dyja te bukura si drita e te talentuara? Te dyja kane kenduar me Andrea Bocelin, e Andrea Boceli nuk kendon me kedo, e megjithate nuk i kemi degjuar te shesin mend si kjo, dhe shqiptaret i duan. Inva Mula ka prekur skena me te medha, nuk e kemi degjuar te shese mendte e kesaj dhe shqiptaret nuk i jane turrur por e respektojne dhe vleresojne. Kjo ben mire te ulet ne toke e te mesoje vleren e modestise dhe ti ben mire te mos shkruash se fjalen nuk e ke zanat, je amatore.

  2. O z. Qafoku më duket se kishte ngatëruar sallën dhe publikun kjo femra me sh fustane. Të kërkosh të bësh protagonisten në një event si Sanremo, do të thotë që nuk paske lidhje me realitetin.

  3. Qafokut I paska mbetur qafa e eshte ‘ngrire’ duke pare AV be San Remo. Italishtja e saj pa intonacion tregon jo emocione, jo ne sinkron me regjine e festivalit (kishte harruar mikrofonin ndezur, minutat e vena ne dispozicion nuk I arriti, u desh nderhyrja e Amadeus dhe ne palcoschenico u veprua shpejt per Te vendosur objektet qe duheshin per performancen e radhes). Kjo eshte paraqitja’e shkelqyer’ dhe arritja ne maje?! Me menyren si u prezantua vetem detyren qe mund t’i kete lene kryeministri qe e coi atje mund Te kete bere se shqiptaret i beri me turp. Nuk i kupton keto Qafoku?! Nese jo atehere le Te nderroje profession se Nuk eshte per ate pune qe ben…

  4. Nëse rama na bëka ligjin edhe në Itali dhe e paska dërguar në Sanremo, atëhere ai qenka kaluar Skënderbeut! Po gjithësesi Alketa më mirë se ju dhe të gjithë ne që komentojm ishte, prandaj sa të ketë gra të liga si meren me llafe, Shqipëria aty ku është në baltë vendnumro do të rri!

Shto Koment