Dikur

‘Robin Hood-i do të jetë si unë’, kush është kapobandoja e Vlorës, Zani Caushi që Romano Prodi i besoi jetën: Sali Berishën e kam dënuar me vdekje, po bëri lojra i shkoj në Tiranë

I vetëquajturi "Robin Hood" por sigurisht që në version më të mirë, Zani i dha vetes titullin "kundërshtari i betuar" i Sali Berishës, ndërkohë që nga ana tjetër ishte mbështetës i flaktë i Partisë Socialiste.
Featured image of article: ‘Robin Hood-i do të jetë si unë’, kush është kapobandoja e Vlorës, Zani Caushi që Romano Prodi i besoi jetën: Sali Berishën e kam dënuar me vdekje, po bëri lojra i shkoj në Tiranë Zani Çaushi

VLORË– Në rubrikën “Dikur” do të rikthehemi në vitin 1997, vitin e mbrapshtë kur bandat në vend mbinin si kërpudha. Por sigurisht një nga më famëkeqet, emri i të cilës edhe sot kujtohet me terror është ajo e Çoles, me në krye kapon Myrteza Çaushi. 

I njohur si Zani, i riu nga Vlora ku gjatë trazirave të vitit 1997, u formuan 5 banda, kishte rivalë të fortë. 3 prej tyre ishin rivale me atë të Zanit, Banda e Gaxhait, Banda e Kakamit (shpesh herë bashkoheshin në një grup) dhe Banda e Pusit të Mezinit.  Gjatë përplasjes me bandat e armatosura Zani Çaushi ka humbur tre vëllezërit.

I vetëquajturi “Robin Hood” por sigurisht që në version më të mirë, Zani i dha vetes titullin “kundërshtari i betuar” i Sali Berishës, ndërkohë që nga ana tjetër ishte mbështetës i flaktë i Partisë Socialiste. Aq e fortë ishte urrejta për Berishës, saqë Zani nuk denjonte që ta thoshte çdo herë që jepte intervistë për mediat e huaja dhe vendase. 

“Unë ndihmoj popullin e Vlorës dhe Shqipërisë, Berisha nuk mund të më peshkojë dhe të më bëjë lojra. E kam thënë disa herë që është i dënuar me vdekje dhe nuk mund të shpëtojë. Ka vrarë vëllezërit tanë. Jo tani por nja 2-3 vjet më parë, shumë fëmijë janë vrarë dhe masakruar nga Sokol Mulosmani. Unë kam 6 vjet luftë me Berishën. Më kanë rrahur. Berisha ka bërë shumë në Vlorë. Ne do të luftojmë sa të vdesim të gjithë këtu, në Vlorë dhe në të gjithë Shqipërinë. Kam qindra njerëz të armatosur dhe ju them se kur të bëhen zgjedhjet dhe Berisha bën prapë lojra, atëherë ne do të shkojmë në Tiranë.”

Sigurisht që krimet e bërë, Zani i justifikonte si të keqe të domosdoshme, duke prentenduar se çdo gjë e bënte për të mirën e popullit, duke theksuar se kishte mbështetjen e tyre të plotë. Madje arrinte deri aty saqë mendonte se i kishte ushtarët e vetë. Në këmbim, i forti i Çoles pretendonte se ruante qetësinë në qytet. 

“Nuk është shtet, është një bandë gangsterash. Edhe unë gangster jam, bëj luftë me gangsterin Berisha. Gangsteri më i fortë jam unë, se unë kam popullin pas meje. Robin Hood-i ka dëshirë që ta quajnë Zani. Sepse jetonin vetëm në një pyll, në një këshjellë, kishte njerëz me harqe. Ndërsa Zani ka një popull të gjithë të armatosur me armët më të fundit. Atëherë mund të themi se Robin Hood-i do ë kishte dëshirë të quhej Zani. Rëndësi për mua ka që të mos i bie njeriu në qafë. Mos të vras njeri pa arsye. Kam dëshirë që njerëzit që bëjnë poshtërsira, përdhunojnë ose grabisin njerëz të varfër t’i ndëshkoj. Se kur grabisin njerëz të pasur gëzohem, që e kanë vënë pasurinë me poshtërsira.”

Kulmin e influencës së tij në popull, Zani e tregoi vetëm 15 ditë pas tragjedisë së “Otrantos”, kur kryeministri italian Romano Prodi zbarkoi në Vlorë.

Mëngjesin e 13 prillit 1997, tre helikopterë ushtarakë të marinës italiane zbritën në një zonë të pabanuar në Vlorë për të takuar kreun e Qeverisë së Pajtimit Kombëtar, Bashkim Fino dhe Presidentin Sali Berisha. 

Nën mbrojtjen absolute të Zanit që mbante një kallashnikov në dorë, Prodi ndaloi disa minuta në Vlorë duke dhënë mesazhe paqeje dhe duke premtuar ndihma nga qeveria italiane për t’u nisur sërish me helikopter për në Tiranë.

Ende mbetet e paqartë sesi një kryeministrër i një vendi si Itali, vendosi që të mbrohej nga Zani.  Ndoshta Zani u vetëofruar duke përdorur si justifikim zakonet e mikëpritjes shqiptare, apo nëse kjo ishte e vetmja mënyrë që delegacioni të zbarkonte në Vlorë. Ndoshta Zani nuk po e mbronte por po e mbante nën kontroll Prodin.

Vitet kaluan, dhe me ardhjen në pushtet të Partisë Socialiste, pikërisht asaj që kapo mbështeste haptazi, Zani dhe pjesëtarë të bandës së tij u arrestuan dhe u dënuan për krime të cilat kishin lënë prova, p.sh armëmbajtje pa leje. 

Por ajo që e mban përjetësisht në burgun e Drenovës, tmerrin e jugut të vendit, është dënimi  i drejtësisë greke, e cila ka dhënë me akuzën e vrasjes plot 101 vite burg për Çaushin. Megjithatë edhe pse i mbyllur në qelinë e tij, mjafton që të përmendësh lagjen e Çoleve për të kujtuar një prej bandave më të tmerrshme që pa Shqipëria. 

(k.m/dosja.al)

Shto Koment