TIRANË– Drejtori i Përgjithshëm i Policisë së Shtetit Gledis Nano prezantoi ditën e sotme ndryshimet e reja që u bënë në strukturat vendore dhe qëndrore të policisë së shtetit. Berati është i vetmi qark i cili nuk ka pësuar ndryshime pasi do ketë sërish të njëjtin drejtues të policisë. Rokadë ka pasur në Korçë dhe në Elbasan, ndërsa Drejtori i policisë së Tiranës, Jaupaj është transferuar në departamentin për sigurinë publike.
Ndryshimet janë si më poshtë:
Drejtori i Antiterrorit tashmë do të jetë Alban Dautaj, post që më parë mbahej nga Gledis Nano, drejtori i ri i përgjithshëm i policisë së shtetit.
Rebani Jaupi largohet nga Drejtoria e Policisë së Tiranës dy vite e gjysmë nga emërimi. Në vend të tij emërohet Lorenc Panganika. Jaupi është emëruar në postin e drejtorit të Departamentit për Sigurinë Publike.
Neritan Nallbati i cili mbante postin që mori Jaupi, u transferua në Drejtorinë e Policisë Durrës, ndërsa zëvendëson aty Oltion Bistrin. Ky i fundit është dërguar si drejtues në Lezhë.
Lorenc Shehu që mbante detyrën në Lezhë emërohet drejtor i Qendrës së Mbyllur të të Huajve në Departamentin e Kufirit dhe Migracionit.
Gjovalin Loka është emëruar në Korçë ndërkohë që më parë mbante postin drejtues në Elbasan.
Ardian Çipa është emëruar në Elbasan, duke u larguar nga posti drejtues në Korçë.
Bledar Çeliku i cili ishte në pozicionin drejtues në Vlorës transferohet dhe emërohet në Gjirokastër. Vendin e tij në Vlorë e merr Gentian Berberi.
Hamdi Fjora nga Kukësi transferohet dhe emërohet në Policinë e Shkodrës. Nga Shkodra transferohet në Dibër, Skënder Hitaj.
Në Kukës merr detyrën Edmond Sulaj. Ferdinand Mara, që u emërua disa muaj më parë në Fier, lirohet nga detyra dhe në vend të tij emërohet Alfred Çepe.
Në Berat nuk ka ndryshime, Edmond Tarkaj do jetë sërish kreu i Policisë Rrugore.
LAJMI KRYESOR: VD-EMRAT/ Largime dhe rotacione! Kush janë drejtuesit e rinj të policisë në rrethe
(a.b)/dosja.al
