Sport

Rinovim i komplikuar dhe mundësia për të zëvendësuar Messin, ja situata e Dybalës me Juventusin

Një realitet që flet për një heshtje të Juventusit që ende nuk e ka thirrur agjentin e Dybalës për të folur në lidhje me rinovimin e kontratës
Featured image of article: Rinovim i komplikuar dhe mundësia për të zëvendësuar Messin, ja situata e Dybalës me Juventusin Leo Messi dhe Paolo Dybala

TORINO-Në letër është i pashitshëm. Pastaj, ka një tjetër realitet. Një realitet që flet për një heshtje të Juventusit që ende nuk e ka thirrur agjentin e Dybalës për të folur në lidhje me rinovimin e kontratës. Palët janë larg, ndjesia është se, nëse do të vinte ndonjë ofertë e parezistueshme, drejtuesit bardhezinj do ta lejojnë të ikë, edhe sepse është një prej lojtarëve me vlerësim të nivelit të lartë. Dybala është i vetmi që mund të mbushë arkat e bardhezinjve, pasi ka oferta të shumta.

Një ndër to është ajo e Barcelonës, që është gati të kënaqë Juventusin me 80 milionë euro dhe të transferojë Dybalën në “Camp Nou” për të zëvendësuar një tjetër argjentinas, Lionel Messin, i cili prej disa ditësh ka dalë hapur dhe ka kërkuar largimin.Dybala mbulon të njëjtën zonë të fushës si edhe Messi, ndërsa në Itali konfirmojnë se me miratimin edhe të trajnerit Koeman, Barcelona ka nisur kontaktet paraprake si me futbollistin, ashtu edhe me klubin e Juventusit.

Për më shumë bëhu pjesë e grupit më viral në Facebook, Dosja.al

Nga ana tjetër Pirlo ka mbetur i kënaqur me Dejan Kulusevskin dhe e sheh si idealin për të formuar treshen e sulmit me Cristiano Ronaldon dhe njërin mes Suarez, Dzeko apo Milik, të cilët janë tre objektivat e mëdhenj të bardhezinjve për sulmin.Megjithatë vetë Dybala do të largohej nga Juventusi vetëm për t’iu bashkuar Barcelonës, ku do të ketë mundësi të marrë një rol lideri dhe për më tepër të luajë më mikun e tij Miralem Pjanic, ashtu si te bardhezinjtë deri në fund të këtij sezoni.

E.Ç (Dosja.al)

Shto Koment