Politike

Rikthimi i vizave për shqiptarët/ Ironizon ish ministri: Meritë që i duhet njohur Rilindjes

Sipas Manjanit, aktualisht, vendi është pa Gjykatë Kushtetuese, pa Gjykatë të Lartë funksionale, me gjykata të trembura dhe me prokurori të gjithën nën hyqmin e qeverisë.
Featured image of article: Rikthimi i vizave për shqiptarët/ Ironizon ish ministri: Meritë që i duhet njohur Rilindjes

TIRANË- Ish ministri i Drejtësisë, Ylli Manjani ka reaguar për rikthimin e vizave për shqiptarët, kërkesë kjo e bërë nga parlamenti holandez, duke fajësuar për këtë, Rilindjen.

Në një postim në Facebook, Manjani shprehet se e Rilindja e bëri reformimin e drejtësisë ashtu si deshi.

Sipas Manjanit, aktualisht, vendi është pa Gjykatë Kushtetuese, pa Gjykatë të Lartë funksionale, me gjykata të trembura dhe me prokurori të gjithën nën hyqmin e qeverisë.

Ish ministri ironizon duke u shprehur se kjo është një ‘meritë’ e Rilindjes dhe  ambasadorët duhen ‘falenderuar’ që ende vijojnë të mbështesin këtë drejtësi

Postimi i plotë:

Në ka vërtetë “meritë” që i duhet njohur Rilindjes është reformimi i drejtësisë. E bëri si deshi!

Aktualisht, vendi është pa Gjykatë Kushtetuese, pa Gjykatë të Lartë funksionale, me gjykata të trembura dhe me prokurori të gjithën nën hyqmin e qeverisë.

Pra e bënë si deshën dhe tani bëjnë ç’të duan. Ky është fakt i dukshëm tashmë.

Sundimi i ligjit është qartësisht i zëvendësuar me sundimin e pushtetit!

Për më shumë bëhu pjesë e grupit më viral në Facebook, Dosja.al

Kushdo që kritikon, proteston apo qoftë edhe pshurr pushtetin arrestohet dhe njëkohësisht dënohet ashpër. Shumë më ashpër se të bësh trafik droge apo ndonjë krim tjetër të rëndë.

Rilindja ja arriti me drejtësinë e saj të re që trafikantët të lëvizin lirisht, ndërsa protestuesit mbushin burgjet!!!

I duhet njohur kjo “meritë”.

Duhen “falenderuar” edhe ata ambasadorë që ende vijojnë të mbështesin këtë drejtësi, që nuk garanton më as liritë themelore të Shqiptarëve. ☹️☹️

Ndërkohë shtetet nga këto ambasadorë vijnë po diskutojnë të na vendosin viza…

U desh kjo reformë që të na rikthehet Izolimi dhe terrori i shtetit politik.

Ndërkohë, dy ditë më parë Parlamenti Holandez, ka votuar ‘PRO’  kërkesës së 5 grupeve parlamentare, VVD, CDA, SP, CU dhe PVV, (Lexo këtu) që detyrojnë qeverinë t’i kërkojë Komisionit Europian rikthimin e vizave për Shqipërinë, me argumentin se shifrat e krimit të organizuar të dominuar nga shqiptarët në Holandë kanë ardhur në rritje

 

Shto Koment