Editorial

Skandalet se ndaluan, si u rikthye Berlusconi në politikë

Vetëm disa javë më parë, mediat ndërkombëtare raportuan përcjelljen e tij në spital, për shkak të gjendjes së rëndë shëndetësore. Ish-kryeministri italian 82-vjeçar, i njohur për akuzat e mashtrimit dhe ngacmimeve seksuale ai rikthehet edhe njëherë në zgjedhjet italiane, për të kandiduar si deputet.
Featured image of article: Skandalet se ndaluan, si u rikthye Berlusconi në politikë

ITALI- Silvio Berlusconi u detyrua të japë dorëheqjen si kryeministër në vitin 2011, pasi drejtonte ekonominë italiane, duke i hapur rrugë një qeverie teknokratike. Ai hoqi dorë nga selia e tij parlamentare në vitin 2015, pas akuzave për mashtrimin e taksave.

Por, ai rishfaqet sërish në skenën politike, këtë herë i ngritur nga shtrati i vdekjes, Berlusconi rikthehet me qëllimin e vetëm për t’u zgjedhur si deputet. Zgjedhje të cilat i konsideron si hapin e parë drejt rrugës së pushtetit.

Berlusconi bashkë me partinë që drejton kryeson listat e votimeve në katër zona, nga pesë zona elektorale gjithsej. Sipas, Giovanni Orsina, drejtor i shkollës politike në Universitetin Luiss në Romë, Berlusconi ka qenë gjithmonë një hap para në zgjedhjet sipas sistemit të përfaqësimit proporcional që përdoret në zgjedhjet evropiane.

“Nëse do të votoni për partinë Forza Italia, do të votoni për Berlusconi-n. Votuesit e tij besojnë verbërisht tek ai dhe janë të bindur se ai nuk do të gabojë këtë herë.” – shprehet ai.

Në një deklaratë këtë mëngjes, Berlusconi u shpreh:Ne jemi ende të domosdoshëm, pa Forza Italia e drejta nuk mund të fitojë. Në Bruksel do të mbetemi leva e vetme kundër nacionalizmit anti evropian, në të cilën kemi dhënë maksimumin.”

Vitet e fundit edhe pse në krye të shtetit italian, ndaj tij kanë rënduar akuzat për korrupsion dhe ngacmime seksuale. Ai u akuzua për marrëdhënie seksuale me 17-vjeçaren, Ruby, por u lirua sërish pasi dëshmitë deklaruan se ishin thjeshtë festa.

Pas largimit të tij nga politika, berlusconi ka shijuar ditët e tij të fundit, të konsideruara si të tilla nga vetë ai. Por pasi u përjashtua nga zyrat si person publik, ai rimori forcat për t’u rikthyer në politikë sërish.

Ai deklaroi ofertën e tij për zgjedhjet evropiane në janar të këtij viti, duke thënë se në ‘epokën e bukur’ të viteve ’82, ai tregoi se ndjeu një përgjegjësi për të shkuar në Europë, ku mungon një mendim i thellë për botën.

Por ka ndryshuar shumë që kur Berlusconi u largua nga zyrat politike, partia e tij u vu në lëvizje, pasi konservatorët e Italisë kanë dezertuar në Ligën e vështirë të Matteo Salvinit, që është tani partia më popullore në Itali.

Në zgjedhjet e vitit të kaluar, partia e Berluskonit anketoi vetëm 14 për qind të votave, nga 37 për qind në vitin 2008. Ishte tepër toksike për të qenë pjesë e koalicionit midis Ligës së djathtë dhe anti-establishment Five Star, që tani qeverisin Italinë në një partneritet të pakënaqur për popullin. Për më tepër ai është duke ndjekur gjyqin e dytë për korrupsion të dëshmitarëve në rastin e 17-vjeçares, Ruby.

Vdekja e pashpjegueshme e një dëshmitari të akuzës, modeli Imane Fadil, në janar, nxiti spekulime se ajo ishte helmuar si pjesë e një komploti të fshehtë, duke kërcënuar të shkatërronin rikthimin e Berlusconit. Berlusconi pretendon se kurrë nuk e ka takuar atë dhe se deklaratat e saj gjithmonë kanë qenë shpifje ndaj tij.

“Egoja e tij do të ketë një afat të shkurtër, por kandidatura në zgjedhjet europiane nuk do të ndryshojë asgjë. Berluskoni ishte i jashtëzakonshëm, sepse ai ishte një miliarder i lirë që ishte përgjegjës për një vend të G8, por tani ky imazh i tij po venitëet.”– u shpreh kështu Michael Day, autori i librit ‘Being Berlusconi'(Të jesh Berlusconi).

Berluskoni e sheh veten si figurën më të vjetër shtetërore me përvojë në marrëdhëniet ndërkombëtare, por në realitet, ndërsa ishte në pushtet, ai shpesh e ka zënë ngushtë Italinë në skenën ndërkombëtare.

Por, në një kohë që ai ëhstë mankthi i të gjithëve rikthimi i tij do të jetë i mirëpritur nga të gjithë.

Kjo krizë në koalicion mund të çojë në zgjedhje në vjeshtë, kur Forza Italia të kthehet në qeveri si pjesë e një koalicioni të qendrës së djathtë me Lidhjen e Salvinit.

Sipas Michael Day, edhe Salvini po bën gjithçka për të penguar kthimin politik të Berlusconit, duke shpresuar që të jetë në gjendje të krijojë një koalicion të drejtë.

Miti i Berlusconi-t me ambicie për ta bërë atë president të Italisë do të venitet shpejt, pas akuzave të tij për mashtrim dh engacmime seksuale. Kështu trashëgimia e tij e vetme do të jetë kontribojë me ironi në rritjen e gjeneratës së re të forcave populiste.

Burimi: The Independent 

Përshtati L.K/Dosja.al

Shto Koment