Politike

Kuvendi miraton ngritjen e komisionit për shkarkimin e Metës, Ahmetaj “kokë më kokë” me Ekonomin, mungon Rama, rikthehet Ruçi (ZHVILLIMET)

Në seancën e sotme parlamentare fjalën e kanë marrë me radhë deputetët e opozitës parlamentare që ishin pro shkarkimit të presidentit. Ndërkohë që kryeministri Edi Rama sërish mungoi për shkak të udhëtimit të tij në Itali, ku ndodhet prej dy ditësh. 
Featured image of article: Kuvendi miraton ngritjen e komisionit për shkarkimin e Metës, Ahmetaj “kokë më kokë” me Ekonomin, mungon Rama, rikthehet Ruçi (ZHVILLIMET) Pamje nga seancaq plenare
Përditësuar:

TIRANË–Kuvendi i Shqipërisë zhvilloi sot seancën e dytë plenare që pas zgjedhjeve të 25 prillit 2021. Në fokus të seancës së sotme ishte vendimi për ngritjen e Komisionit Hetimor pas kërkesës së 49 deputetëve për shkarkimin e Presidentit Ilir Meta.

Në seancën e sotme parlamentare fjalën e kanë marrë me radhë deputetët e opozitës parlamentare që ishin pro shkarkimit të presidentit. Ndërkohë që kryeministri Edi Rama sërish mungoi për shkak të udhëtimit të tij në Itali, ku ndodhet prej dy ditësh. 

Por përse po kërkohet shkarkimi i kreut të shtetit për herë të dytë?

Për më shumë bëhu pjesë e grupit më viral në Facebook, Dosja.al

Prej javësh presidenti i Republikës, Ilir Meta u përfshi në një sërë replikash të ashpra dhe përplasje me Partinë Socialiste ku në fokus ishin zgjedhjet e 25 prillit. Presidenti u zotua se do të mundësonte votën e lirë të shqiptarëve që sipas tij do ti bashkoheshin në një referundum popullor. Deklaratat e Metës gjatë fushatës arritën majën e tensionit kur kreu i shtetit deklaroi se “do t’ju presim dorën atij që prek votën”, apo “bëni gati sfurqet dhe kosat”. Këto deklarata përfshirë edhe përplasjen me ambasadoren Yuri Kim janë “dënimi” që sipas socialistëve Ilir Meta mori më 25 prill nga shqiptarët, duke i dhënë mandatin e tretë PS-së dhe për këtë Ilir Meta duhet të shkarkohet.

(a.b.k.m.f.g/dosja.al)

  • 13:46

    Kuvendi miraton ngritjen e Komisionit hetimor për shkarkimin e presidentit Meta

    Kuvendi i Shqipërisë ka miratuar gjatë seancës së sotme plenare ngritjen e Komisionit Hetimor për shkarkimin e presidentit Ilir Meta.

    Ngritja e Komisionit për Hetim është votuar nga deputetët me 97 vota pro, 6 kundër dhe 1 abstenim.

    Komisioni Hetimor pritet që brenda një muaji të shqyrtojë të gjitha argumentat e ngritura nga Partia Socialiste për shkarkimin e Presidentit Meta.

    Salla e seancës plenare

    Me miratimin e fundit, Kuvendi i ka hapur rrugë për herë të dytë një Komisioni Hetimor që të hetojë lidhur me shkeljet e pretenduara nga 49 deputetë të mazhorancës të cilët akuzojnë Metën se ka dalë jashtë kompetencave dhe ka shkelur Kushtetutën para dhe gjatë zgjedhjeve të 25 prillit.

    Kryetari i këtij komisioni është Alket Hyseni, ndërsa nënkryetar  është Myslim Murrizi. Sekretare është Klotilda Bushka dhe anëtarë të tjerë janë Vasilika Hysi, Elena Xhina, Spartak Braho, Halil Jakimi, Nikolin Staka dhe  Arlind Çarçani.

  • 11:49

    Nxehet keq Ralf Gjoni gjatë seancës plenare, çohet në këmbë dhe i bie rrotull Kuvendit, i ‘kthehet’ Hysi: Mos rrije në kafe


    Deputeti Ralf Gjoni duket se është nxehur gjatë seancës së sotme plerane. Gjoni u nevrikos pasi emri i tij nuk ishte në listën  e deputetëve që kishin të drejtën e fjalës gjatë rendit të ditës për çështjen e shkarkimit nga posti i presidentit të Ilir Metës.

    Deputeti nuk ndodhej në Kuvend në momentin kur nënkryetarja Vasilika Hysi ndau listën e deputetëve sipas radhës që do të flisnin në foltore. Në momentin që ai u rikthye në ambientet e Kuvendit, kërkoi të drejtën e fjalës. Nnëkryetarja e Kuvendit, Vasilika Hysi iu përgjigj duke i thënë ‘mos rrije në kafe’. Debati mes tyre nuk është plotësisht i qartë, pasi Gjoni nuk kishte mikrofon gjatë kohës që replikonte me Hysin.

    Gjoni: Kam të drejtën time për të folur (duke i rënë rrotull Kuvendit me fletët në dorë)

    Vasilika Hysi: Mos rrije në kafe të bënit llafe por rrije këtu…

  • 11:43

    “T'i heqim turpin Shqipërisë”/ Balla: Shkarkimi i Metës detyrim moral dhe kushtetues i mazhorancës


    Kryetari i Grupit Parlamentar të Partisë Socialiste, Taulant Balla në fjalën e tij në nga foltorja e Parlamentit e cilësoi si detyrim moral dhe kushtetues për mazhorancën nismën për shkarkimin e Presidentit Meta.

    “Po si i drejtohet Presidenti popullit ndërkohë që përfaqëson unitetin e kombit: t’i mprehin sopatat, sfurqet, t’i kenë gati për të dielën…! ‘Të kemi frikë nga Amerika se ka raketa, ka edhe Rusia, ka edhe ky koreano-veriori. Kurrë institucioni i Presidentit nuk është përdhunuar në mënyrë kaq banale së ky. Kemi pasur president që i ka shpallur luftë popullit apo president që ka shkaktuar debat për mustaqet por kurrë si ky” tha ai.

    Balla u shpreh se me këtë nismë synohet t’i hiqet turp i madh Shqipërisë me këtë Presidenti. Ndërsa Metën e cilësoi si president banal që po sulmon Amerikën, aleatin strategjik të Shqipërisë.

    “Ne nuk po shkarkojmë Ilir Metën se duam të vendosim një përfaqësuesin tonë. Procedura për shkarkimin e Ilir Metës është një detyrim sa moral, që edhe Kushtetutës. T’ia heqim menjëherë turpin në derë Shqipërisë për t’ia lënë turpin Ilir Metës. Përplasja e tij me SHBA-të, makthi i tij se do ta vrasin me raketa, janë të mjaftueshme që komandanti i Forcave tona të Armatosura me urgjencë. Mosmarrja e kësaj nisme nga ana jonë do të ishte minimalisht moskallëzim krimi. Ky është një shërbim që ne po i bëjmë dinjitetit institucional të Shqipërisë sonë. Këtë turp Shqipëria jonë kurrsesi nuk e meriton” tha ai.

    Më tej ai i bëri thirrje Bashës t’i bashkohet kësaj nisme për më të mirën e vendit.

    “Thirrja jonë shkon edhe për Lulzim Bashën. Tashmë PD ka në këtë sallë deputetët që garuan në listat e saj më 25 prill. Do ishte në nderin e tyre të na bashkoheshin në këtë nismë. Meta para, gjatë dhe pas fushatës zgjedhore ka shkelur rëndë Kushtetutën. Ai nuk ka përfaqësuar unitetin e kombit por përkundrazi ka bërë thirrje për përplasje, thirrje që çuan deri në konflikte me armë”, shtoi Balla.

  • 10:31

    Nxehet Kujtim Gjuzi! Kërcënon nga foltorja e Kuvendit: Kirurgët kërkojnë 300 euro për operacion, do iu vij ndonjë ditë atje…


    Kreu i Partisë Konservatore, Kujtim Gjuzi ka lëshuar një kërcënim nga foltorja e Kuvendit. Në fjalën e tij, Gjuzi tha se ka ende kirurgë në vend që kërkojnë para për operacione, duke paralajmëruar se një ditë do t’u shkojë për t’i inspektuar.

    A janë të certifikuara vaksinat kineze? Unë mendoj se jo. Është e drejta juaj të mendoni dhe të thoni se kryeministri neotoaman. Ka firmosuar xhaminë me 4 minare, ne i kemi me 4. Edi Rama mos thuaj se nuk je neo-otoman. Ka kirurg që kërkojnë 300 euro për operacion. I them se do t’ju vij ndonjë ditë atje. Do jem në Kuvend se jam kryetar i Partisë Konsveratore. Do jem tek ky dhe në çdo Kuvend që do të vijë,”-tha Gjuzi.

  • 10:25

    Manastirliu: Po ecim drejt objektivit të 1 mln vaksinimeve, 111 pacientë janë të shtruar në të gjitha spitalet COVID


    Ministria e Shëndetësisë, Ogerta Manstirliu tha ditën e sotme se në të gjitha spitalet COVID në vendin tonë janë 111 persona të shtruar. Gjatë fjalës së saj në seancën e sotme plenare, Manastirliu tha se Shqipëria ka një ulje të incidencës së rasteve të reja të COVID, ndërsa vaksinimi po jep efektet e para. Ajo tha se vendi tashmë po ecën drejt objektivit të 1 milion vaksinimeve.

    Fjala e plotë e Manastirliut:

    Shqipëria sot radhitet ndër vendet me ritëm shumë të mirë të vaksinimit. Jemi në të njëjtin ritëm me vendet e BE-së. Vaksinimi vijon me ritme të larta në të gjitha vendet e Shqipërisë. Vendi ynë ka dalë nga zona e rriskut, krahasuar me të gjitha vendet e Rajonit dhe të Europës. Vijon incidenca të mbetet e ulët, kemi një rënie të pozitivetit total sipas javëve. Numri i pacientëve në spitale është i ulët. 111 të shtruar në të gjitha spitalet Covid. Sipas analizës së ISHP, tashmë shohim efektet e para të vaksinimit qën po japin rezultat. Vaksinimi tashmë ështëe arma më e fortë në mundjen e kësaj pandemie. Ne po ecim drejt objektivit të 1 mln vaksinimeve. Çdo javë pritet lëvrimi i kontratave të vaksinimit. Janë të shumta vende që janë ende në përkje për sigurimin e vaksinimit. Ndaj, përmes marrëveshjeve, që tashmë kanë filluar të zbatohen, që miratohen sot, vijon kalendari i vaksinimit me Sinovac dhe SputnikV. Të dyja vaksinat po vlerësohen së fundmi për aprovim nga OBSH. Emëruesi i përbashkët është ulja e fataliteteve nga COVID-19. Objektivi i vaksinimi i popullatës brenda verës së ardhshme. Jemi duke u përpjekur për t’i paraprirë sezonit turistik, për një sezon përtej pandemisë. Lirimi i masave duhet të shoqërohet me distancim, për të mos bërë hapa pas.

  • 10:22

    FOTOLAJM/ “Kokë më kokë”! Ahmetaj BISEDA me kolegen ministre, se kanë mendjen tek seanca

    “Kokë më kokë”! Ministri për Rindërtimit, Arben Ahmetaj është kapur duke diskutuar me kolegen e tij, Milva Ekonomi. Teksa kolegët e tyre mbanin fjalime në foltoren e Kuvendit, të dy diskutonin lidhur me diçka që u mori gjithë vëmendjen por nuk dihet se për çfarë bëhet fjalë.

    Arben Ahmetaj dhe Milva Ekonomi

    Të jetë vallë lidhur me rendin e ditës?

  • 10:17

    ‘S’ka shanse që 83 mijë shqiptarë të mos dinë’/ Gjuzi ankesa për votat e pavlefshme, bën lëmsh emrin e kryeprokurorit: Olsioni të fillojë hetimet…


    Deputeti Kujtim Gjuzi është ankuar për procesin zgjedhor të 25 prillit, tek kryeparlamentari Gramoz Ruçi. Në fjalën e tij në Kuvend, Gjuzi është ankuar për numrin e votave të pavlefshme, duke shtuar se iu drejtuar kryeprokurorit Olsian Çela që të nisë hetimet. Por është bërë “lëmsh” me fjalët e tij, duke i ngatërruar dhe emrin numrit një të Prokurorisë Shqiptare.

    BISEDA NË KUVEND:

    Gjuzi: Sot jemi me 7 maj dhe pikërisht 2 vite më parë ngritëm opozitën e re. Në fakt jemi opozitë e hershme me ju. Ka një nxitim me seancën plenare. Ngarkesa është super e madhe dhe programi i njoftimit është as 24 orë. Ishim këtu 2 vite së bashku, ishim korrekt me ju. Ju nuk jeni korrekt me ne. Ne keni ndërprerë minutazhet. E kemi të reduktuar dhe nuk kemi pasur mundësinë të përçojmë të vërtetën 100%. Zoti kryetar ju me 25 prill 2021, lejuat kryeministrin që të na mbante në kontroll. Në këto kushte unë protestoj. I drejtohem kryeprokurorit Olsion Çela që të fillojë hetimet lidhur me zgjedhjet. 83 mijë qytetarë nuk ka shanse të mos dinin.

    Ruçi: Mbaroi koha! 3 komente lidhur me rendin e ditës. Je njoftuar më shumë se 24 orë. Koha e debatit është vendim për shkak të pandemisë. Lidhur me kontekstimet për votat janë komentet e tua. Duhet të kuptosh se për votat nuk diskutohet këtu. Nëse keni akesa drejtohuni institucioneve përkatëse.

Shto Koment