Virale

Rikthehen avionët që “bien” në Shqipëri, kapet dy vendëshi në Dhërmi

“Mushkonja” të tilla kanë rënë dhe në Divjakë, por dhe në Durrës, që më pas rezultuan se ishin avion që përdoreshin për transport droge.
Featured image of article: Rikthehen avionët që “bien” në Shqipëri, kapet dy vendëshi në Dhërmi Avioni në Dhërmi

DHËRMI– Një avion i çuditshëm është parë sot në Dhërmi. Pushuesit kanë vënë re se në plazh një avion i vogël, u stacionua aty prej mesditës. Nga fotot duket avioni është i modifikuar me goma për të qëndruar edhe mbi ujë dhe se është një avion që përdoret për turizëm.

Ende mbetet e paqartë se si avioni ka mbërritur atje, pasi aksush nuk di të thotë kur ky avion ka rënë në plazh. Po avionët që “bien” në Shqipëri nuk janë një fenomen i panjohur. “Mushkonja” të tilla kanë rënë dhe në Divjakë, por dhe në Durrës, që më pas rezultuan se ishin avion që përdoreshin për transport droge.

Ende nuk dihet se për çfarë mund të jetë përdorur ky avion i vogël, por nga pamja duket si një avion që zakonisht u shëtojnë turistat në të.

(A.B. Dosja.al)

  • 19:10

    Avioni në Dhërmi, Policia: Është vendosur nga një biznesmen, nuk është funksional

    Pak pasi Dosja.al publikoi foton e avionit turistik që qëndronte në Dhërmi ka ardhur dhe një reagim, ku sqarohet si qëndron e vërteta.

    Sipas Policisë së Vlorës, ky avion është vënë nga pronari i hotelit aty pranë dhe nuk ka motor, pra nuk është funksional. Kjo është bërë për të tërhequr turistët, pasi shumë shkojnë aty për të bërë foto.

    “Në lidhje me avionin që flitet për në Drimadhë të Himarës, ju sqaroj se është vendosur nga pronari i një hoteli thjesht për turizëm! Nuk ka motorr, qëndron thjeshtë i fiksuar për foto, gjëra të kësaj natyre! Sa për sqarim njëherë e mirë që të mos haludohet për gjëra të dyshimta!”, shkruan Policia.

    Shtohet se avioni është vënë qëllimisht aty, për qëllim zbukurimin e pamjes dhe thithjen e turistëve.

Shto Koment