Aktualitet

Riatdhesimi i fëmijëve nga Siria/ Ministria e Jashtme: Do kthehen të gjithë fëmijët dhe personat që nuk kanë kryer akte terroriste

Ministria për Evropën dhe Punët e Jashtme të thotë se finalizimi i këtij operacioni të rëndësishëm humanitar “u bë i mundur falë bashkëpunimit, profesional e serioz si dhe mbështetjes së pakursyer të autoriteteve Libanit, Sirisë dhe atyre Administratës Autonome të Sirisë Veriore dhe Lindore”.
Featured image of article: Riatdhesimi i fëmijëve nga Siria/ Ministria e Jashtme: Do kthehen të gjithë fëmijët dhe personat që nuk kanë kryer akte terroriste Femijet shqiptare te kthyer nga Siria

TIRANE– Operacioni i riatdhesimit të pesë qytetarëve shqiptarë nga Siria verilindore ditën e djeshme përfundoi me sukses dhe u shfaq në të gjitha mediat në vend si lajmi më i mirë i ditës. U bë e mundur që të vinin në Shqipëri, katër fëmijë dhe një grua me probleme të theksuara shëndetësore.

Ministria për Evropën dhe Punët e Jashtme të thotë se finalizimi i këtij operacioni të rëndësishëm humanitar “u bë i mundur falë bashkëpunimit, profesional e serioz si dhe mbështetjes së pakursyer të autoriteteve Libanit, Sirisë dhe atyre Administratës Autonome të Sirisë Veriore dhe Lindore”.

“Qeveria e Republikës së Shqipërisë shpreh falënderimet më të sinqerta për bashkëpunimin dhe mbështetjen e autoriteteve dhe agjencive të tjera të përfshira në këtë operacion si dhe shpreh besimin se ky bashkëpunim do të vijojë edhe në të ardhmen për të mundësuar kthimin në Shqipëri të të gjithë fëmijëve shqiptarë apo edhe personave të tjerë të cilët nuk kanë kryer krime apo akte të tjera terroriste. Kthimi i fëmijëve dhe i personave të tjerë të pa përfshirë në akte kriminale apo terroriste është një detyrim humanitar i rëndësishëm, por edhe një kontribut i çmuar në luftën e përbashkët kundër terrorizmit”, thuhet më tej.

Për më shumë bëhu pjesë e grupit më viral në Facebook, Dosja.al

4 fëmijë dhe një grua janë riatdhesuar ditën e djeshme në Shqipëri të evakuuarit nga kampi i Al-Holit në Siri. Bëhet fjalë për Floresha Rashën dhe tre fëmijët e saj të mitur, ndërsa bashkë me ta ishte edhe Endri Dumani. Pas 6 vitesh ai rikthehet në Shqipëri, por pa të motrën, e cila zgjodhi që të qëndrojë në kamp. Mendohet se numri total i të riatdhesuarve do të shkojë mbi 50 shqiptarë, megjithatë indentitet e tyre ende nuk janë bërë me dije. Kjo pasi sipas kryeministrit Edi Rama, nga detajet e shumta që mund të publikohen, jeta e tyre mund të vendoset në rrezik. Kreu i qeverisë, shtoi se disa prej tyre janë bashkë me familjen në kamp, dhe jo të gjithë i kanë ndryshuar pikëpamjet e tyre radikale.

(A.B)/Dosja.al

Shto Koment