Kulture

Regjisori Pirro Milkani për ndarjen nga jeta të Guljelm Radosë: Keqardhje! Biznesmenët duhet ta kishin dërguar jashtë për kurim

Milkani tha se biznesmenët duhet të kishin bërë një kontribut në mënyrë që aktori i ndjerë të kishte marrë një shërbim më të mirë. 
Featured image of article: Regjisori Pirro Milkani për ndarjen nga jeta të Guljelm Radosë: Keqardhje! Biznesmenët duhet ta kishin dërguar jashtë për kurim Pirro Milkani

TIRANË–  Regjisori Pirro Milkani ka folur për ndarjen nga jeta të Guljelm Radosë. Përmes një lidhje telefonike me studion e lajmeve në “News 24” ai tha se me Guljemin njihet prej 50 vitesh dhe ruanin një miqësi familjare. Ndër të tjera, Milkani tha se biznesmenët duhet të kishin bërë një kontribut në mënyrë që aktori i ndjerë të kishte marrë një shërbim më të mirë.

“Është keqardhje! Mendova se dikush do të kujdesej më tepër për të. Biznesmenë të Durrësit, duhet të kishin bërë një kontribut, për të bërë një provë për ta dërguar jashtë shtetit. Ai ka lënë gjurmë të mira dhe nuk ishte në moshë për t’u larguar nga kjo botë. Ishte njeri korrekt, i dashur, me një familje shembullore. Me një grua muzikante, vajzën pianiste, është e trishtë. Nuk di ç’të them, është keqardhje! Ai kishte probleme biografike dhe unë e mora në filmin Shtigje lufte në rolin e një fotografi. Në atë kohë nëse merreshe në film dhe tregohej që të rregullohej biografia. Unë e kam pasur në filmin “Eja”, në Librazhd. Kam pasur një bashkëpunim 20 vjeçar dhe kujtesë familjare për të. Ai ishte njeri modest dhe fjalëpak. Shumë serioz në krijimin e figurave artistike që i besoheshin”, u shpreh Milkani.

Për më shumë bëhu pjesë e grupit më viral në Facebook, Dosja.al

Aktori i njohur Guljelm Radoja ka ndërruar jetë sot në spitalin “Shefqet Ndoqi”, dy ditë pasi ishte futur në intubim. Lajmin për vdekjen e 75-vjeçarit e bëriu të ditur djali i tij, Redi Radoja. Aktori spikati me filmin “Kush vdes në këmbë”, ku luajti rolin e Petro Nini Luarasit, një nga më shumë se 30 role që la si trashëgimni për Shqipërinë.

(a.b)/dosja.al

Shto Koment