Sport

“Refuzova Real Madridin prej gjuhës, ishte gafa më e madhe e jetës”

Kur të vjen oferta e jetës dhe e refuzon për një arsye të pakuptimtë
Featured image of article: “Refuzova Real Madridin prej gjuhës, ishte gafa më e madhe e jetës”
Përditësuar:

Francesco Totti është njëri nga lojtarët e paktë, i cili ka refuzuar Real Madridin, por ai e ka patur një arsye. Ishte legjendë te Roma dhe sot mbahet mend si një nga lojtarët më besnikë në histori të futbollit.

Ai edhe sot mendon se nuk ka gabuar, por ka të tjerë që mendojnë ndryshe. Për shembull, një ish-mbrojtës i Holandës, Bert Konterman. Në vitin 1999 ai luante me Feyenoord dhe trajneri Beenhakker i tregoi se po e kërkonte Reali. Ai u gëzua shumë, por refuzoi kalimin në “Santiago Bernabeu”.

“Ishte vera e vitit 1999 dhe po, Reali më bëri një ofertë. Leo Beenhakker e njihte mirë klubin dhe më tregoi se donin të më blinin. Mendoja se po tallej me mua”.

Për më shumë bëhu pjesë e grupit më viral në Facebook, Dosja.al

“Ai dëshironte që të qëndroja te Feyenoord, por më tha: ‘E di që do të shkosh te Reali, bëhet fjalë për një klub fantastik‘. Në mendjen time kisha imagjinuar gjithmonë një transferim në Bundesligë ose Premier League, sepse flisja mirë anglisht dhe gjermanisht”.

“Transferimi në Spanjë më frikësonte, sepse nuk do arrija të mësoja spanjisht. Nuk ndihesha gati dhe nuk pranova, por e di se ishte një vendim idiot”.

M.P. / Dosja.al

Shto Koment