Politike

Reformimi në Shkodër, Rama “ia pason topin” Bushatit: Ishte drejtuesi politik, duhet ta dijë më mirë

  • Rama flet për Valdrin Pjetrin: S’ka lidhje me krimin…por gënjeu!
  • Kryeministri Edi Rama ka komentuar deklaratën e Bushatit, i cili është shprehur se Shkodra ka pasur nevojë për një reformim.
    Featured image of article: Reformimi në Shkodër, Rama “ia pason topin” Bushatit: Ishte drejtuesi politik, duhet ta dijë më mirë Edi Rama dhe Ditmir Bushati

    TIRANË– Kryeministri Edi Rama ka folur lidhur me “kritikat” nga brenda Partisë Socialiste, të cilat vijnë nga ish-ministri i Jashtëm, Ditmir Bushati. 

    Në një intervistë për Klan, Rama ka komentuar deklaratën e Bushatit, i cili është shprehur se Shkodra ka pasur nevojë për një reformim.

    Në fjalën e tij, Rama ia ka kaluar Bushatit përgjegjësinë për reformën e kërkuar prej tij pasi ish-ministri ka mbajtur postin e drejtuesit politik në qytet. 

    Ai duhet ta dijë më mirë sepse ishte drejtuesi politik në Shkodër dhe ka pasur përgjegjësinë për të bërë këtë reformë. Në fund të ditës unë them se çdokush është i lirë të ketë opinionet e tij në PS. Nuk është as i pari as i fundit,”-është shprehur Rama.

    Pjesë nga intervista:

    Pyetje: Ish-ministri juaj i Jashtëm mendon se situata e krijuar në Shkodër nuk është thjeshtë sepse gënjeu kandidati por e akumuar në Shkodër, është dashur një ndërhyrje por ndërkohë nuk është bërë asgjë.

    Për më shumë bëhu pjesë e grupit më viral në Facebook, Dosja.al

    Edi Rama: Ai duhet ta dijë më mirë sepse është drejtuesi politik në Shkodër dhe ka pasur përgjegjësinë për të bërë këtë reformë. Në fund të ditës unë them se çdokush është i lirë të ketë opinionet e tij në PS. Nuk është as i pari as i fundit.

    Pyetje: A do të ketë fatin e të gjitë atyre që menduan ndryshe edhe Ditmir Bushati

    Edi Rama: Nuk shikoj kur marr vendimet mendimet, por shikoj punën.

    Mes dy socialistëve ka pasur një përplasje teksa ndodheshin në Shkodër, gjatë mbledhjes së Kryesisë. Rama ka kërkuar nga drejtorët rajonalë në Shkodër që të japin dorëheqjen, për të rregulluar imazhin e PS. Ditmir Bushati ka dalë kundër partisë duke thënë se kjo situatë nuk mund të zgjidhet me shkarkime të njerëzve që nuk kanë asnjë lidhje me ngjarjen.

    Më pas në një intervistë për “VOA” ish-ministri i Jashtëm ka thënë pa përmendur emra se Shkodra e dinte shumë mirë se kush e zgjodhi Valdrin Pjetrin.

    (k.m/dosja.al)

    Shto Koment