Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Aktualitet
PD ngre tryezë për ‘Territorialen’, Basha: Duhet autonomi reale për pushtetin vendor
15 Shkurt 2022, 16:53Nga DOSJA
TIRANË- 48 orë para dorëzimit të emrave që do të jenë pjesë e grupit të diskutimit në Komisionin për Reformën Territoriale, Partia Demokratike ka hapur një tryezë diskutimi me qytetarë dhe ekspertë. Në takimin e parë, që u zhvillua sot në Tiranë, kryedemokrati Lulzim Basha theksoi seShqipëria ka nevojë për një hartë të re Territoriale që do të sigurojë një decentralizim të plotë të vetëqeverisjes vendore dhe pavarësi financiare për pushtetin lokal. Basha tha se ndarja aktuale ka treguar sesi ka copëtuar qendrat lokale për të marrë vota dhe ku të humbur janë qytetarët. “Në mënyrë absolute nuk mund të pranojmë një ndarje territoriale që largon shërbimet nga qytetarët. Jam i vetëdijshëm që dhe fragmentarizimi ekstrem nuk shërben. Një decentralizim real i pushtetit që është një nga tiparet reale të partive konservatore dhe Partisë Demokratike. Pushteti më i mirë është pushteti afër qytetarit. Në këtë parlament ne nuk i kemi votat, por e mbajtëm fjalën, brenda më pak se 6 muajsh iu kemi dhënë shqiptarëve instrumentin e rindarjes territoriale në bazë të interesave qytetar të tyre dhe jo në bazë të tekave dhe qejfeve të politikaneve apo kalkulimeve elektorale”, tha Basha.
Kreu i PD, tha se reforma e re është urgjente dhe do t’ju kthejë autonominë bashkive. “U konceptua për të marrë pushtet dhe ky është zinxhiri i së keqes, zhbërja e pushtetit vendor, i uzurpuar nga pushtetin qendror për të vjedhur taksat e qytetarëve. Rindarja territoriale e Shqipërisë është një nevojë urgjente, e duan shqiptarë nga jugu në veri”, tha Basha.
Ndërkohë që anëtari i grupit të Punës, Roland Bejko tha se PD do të konsultojë me qytetarët në të 12 qarqet “Reforma Territoriale është një nga reformat e rëndësishme për Shqipërinë. Partia Demokratike e ndërmori këtë iniciative mbështetur mbi reagimet e shumta të qytetarëve, raporteve të institucioneve të huaja, konkluzioneve të KLSH, progres raporteve të BE. Të gjithë bien dakord që kjo reformë ka nevojë urgjente për një analizë dhe për një rishikim. Kjo reformë nuk ka reflektuar parimet e kartës evropiane. Kjo reformë centralizoi edhe më shumë pushteti vendor. U rrit varësia dhe kontrolli nga qeveria Largimi i qytetarëve nga zonat rurale ka qenë fenomeni më negativ, për bujqësinë nuk bëhet fjalë fare, nuk e menaxhojnë dot këto bashki. për ti ardhur në ndihmë përfaqësuese të saj, PD ka vendosur të zhvillojë një tur të gjerë për konsultimesh me qytetarët në 12 qarqe. Në këtë sallë janë edhe vetë qytetarët që do të shprehen se si e shikojnë reformën territoriale dhe vetëqeverisjen vendore“, tha Bejko.
Por si erdhi PD në një tryezë për Reformën Territoriale? Pasi dha votën pro për zgjatjen e afatit për organet e Vettingut, PD “shpalli” fitoren, pasi mori dakordësinë e maxhorancës për të ngritur një komision ku do të bëhen propozime dhe ndryshime për Reformën Territoriale. Më 10 shkurt, Kuvendi miratoi ngritjen e komisionit dhe tashmë pritet që të enjten të bëhet zgjedhja e emrave që do të jenë pjesë e tij. Teksa PD kërkon të imponohet në këtë proces, për kryeministrin Edi Rama zgjidhja në rast mosdakordësie është referendumi. PD kërkon rikthimin e komunave dhe më shumë njësi vendore se 61 bashki që është aktualisht duke e cilësuar si hartë elektorale ndarjen aktuale që është bërë nga PS. Në vitin 2014, PS miratoi bashkë me LSI dhe PDIU Reformën aktuale Territoriale, e cila reduktoi numrin e njësive vendore nga 373 në 61 bashki. Asokohe, Partia Demokratike e bojkotoi procesin dhe prej 8 vitesh kërkon një reformë të re.
TIRANË- Ministrja e Bujqësisë dhe Zhvillimit Rural, Frida Krifa në komisionin për Ekonominë dhe Financat premtoi lekë/litër qumësht për blegtorët si një st...
KOSOVË- Ish-sekretari i Ministrisë së Tregtisë dhe Industrisë së Kosovës, Burim Reci është arrestuar në pikën kufitare Debeli Brijeg, pasi në veturën e tij...
TIRANË- Ministrja e Arsimit dhe Sportit Evis Kushi prezantoi sot Rregulloren e Maturës Shtetërore 2022, gjatë një takimi me maturantë nga gjimnaze të ndrys...
LETONI- Forcat e NATO-s në Letoni kanë publikuar pamje nga një stërvitje që kanë kryer gjatë ditës së sotme ushtarët nga shtetet e ndryshme të aleancës të pozic...
TIRANË– Kuvendi i Shqipërisë ka publikuar listën e plotë të kandidatëve për vendin vakant në Gjykatën Kushtetuese, pas përfundimit të afatit të gjyqt...
SHKODËR – Ish-kryeministri Sali Berisha u takua me një grup intelektualësh dhe përfaqësuesish të qytetit të Shkodrës pasditen e sotme. I shoqëruar ng...
Mbetjet spitalore të prodhuar në dy vjet pandemi përbëjnë kërcënim serioz për Shqipërinë. Në dy vite pandemi janë prodhuar disa fish mbetje spitalore më shumë n...
TIRANË– Këshilli i Lartë i Prokurorisë ka vendosur sot caktimin e përkohëshëm të drejtuesëve të Prokurorive në dy qarqe të vendit. Me vota unanime, K...