Bota

Referendumi i ri: Nacionalistët skocezë zotohen për pavarësi nga Mbretëria e Bashkuar

Pas zgjedhjeve të suksesshme Ministria e Parë e Skocisë Nicola Sturgeon u zotua për vazhdimin e një plani për largimin nga Mbretëria e Bashkuar. Nacionalistët argumentojnë se ata kanë autoritet demokratik në anën e tyre ndërsa qeveria britanike thotë se ligji është me ta.
Featured image of article: Referendumi i ri: Nacionalistët skocezë zotohen për pavarësi nga Mbretëria e Bashkuar Nicola Sturgeon

SKOCI-  Nacionalistët skocezë janë zotuar për votim të ri për pavarësi nga Mbretëria e Bashkuar pas suksesit të zgjedhjeve. Reuters shkruan se Ministri i Parë i Skocisë Nicola Sturgeon u zotua të shtunën të vazhdonte me planet për një referendum të ri për largimin nga Mbretëria e Bashkuar pasi tha se nuk kishte dyshim se zgjedhjet në parlamentin Skocez do të kthejnë një shumicë pro pavarësisë.

Në një qortim ndaj Kryeministrit Britanik Boris Johnson i cili ka thënë se ai do të bllokonte një votim shkëputjeje, Sturgeon tha se do të ishte absurde për çdo politikan në Londër që të përpiqej të bllokonte një votim.

“I vetmi popull që mund të vendosë për të ardhmen e Skocisë është populli Skocez, dhe asnjë politikan i Westminsterit nuk mund ose duhet të qëndrojë në rrugën e kësaj,” -tha Sturgeon.

Rezultatet të Shtunën treguan se Partia Kombëtare Skoceze (SNP) e Sturgeon ishte në rrugën e duhur për një mandat të katërt radhazi në detyrë pasi kishte triumfuar në 62 nga 86 vendet e deklaruara deri më tani për parlamentin me 129 vende.

Për më shumë bëhu pjesë e grupit më viral në Facebook, Dosja.al

“Duket sikur është përtej çdo dyshimi se do të ketë një shumicë pro pavarësisë në atë parlament Skocez.. Sipas çdo standardi normal të demokracisë, ajo shumicë duhet të ketë të respektuar angazhimin që i bëri popullit të Skocisë,”– tha Sturgeon.

Nacionalistët argumentojnë se ata kanë autoritet demokratik në anën e tyre, ndërsa qeveria britanike thotë se ligji është me ta. Ka të ngjarë që vendimi përfundimtar për një referendum do të vendoset nga gjykatat.

Mbështetësit e unionit argumentojnë se pa një shumicë të SNP, nuk ka mandat për një referendum, ndërsa Johnson ka thënë se është e gabuar të përqendrohesh në pavarësinë sesa në rimëkëmbjen nga pandemia e COVID-19.

(f.i/dosja.al)

Shto Koment