Sport

Real Madrid rrëmben serbin nga Barcelona/Los Blancos me ofertë 45 milion paund

Barcelona dhe Real Madrid jane futur ne gare per te bindur serbin Luka Jovic për shërbimet e tij.
Featured image of article: Real Madrid rrëmben serbin nga Barcelona/Los Blancos me ofertë 45 milion paund

Real Madrid dhe Barcelona janë në garë për sulmuesin e Eintracht Frankfurt, serbin Luka Jovic.

Jovic ka qenë një risi për kampionatin gjerman pasi ka shënuar 14 herë për Frankfurt duke kryesuar kështu listën e golashënuesve në Bundesliga.

Gazeta gjermane Frankfurter Allgemeine Zeitung raportoi interesin e Barcelonës për 21-vjeçarin, por Bild ka informuar sot se Real Madridi kërkon gjithashtu shërbimet e serbit dhe ka bërë një ofertë te klubi gjerman.

Sipas Bild, Los Blancos do të jetë i gatshëm të ndërhyjë dhe të paguajë 45 milionë paund për Jovic.

Për më shumë bëhu pjesë e grupit më viral në Facebook, Dosja.al

Jovic është në vitin e dytë të një huazimi dy-sezonal në Eintracht, një marrëveshje që përfshin një opsion të blerjes, vlerë diku në mes të 6 dhe 12 milionë euro, të cilën gjermanët planifikojnë ta zbatojnë.

Në të vërtetë, në faqen e internetit Transfermarkt.com vlera e Joviç-në treg është trefishuar këtë sezon: nga 12 milionë në fillim, 20 milion në tetor dhe përsëri në 40 milionë në dhjetor.

Përveç performancave  të tij mbresëlënëse në Bundesliga, serbi ka shënuar pesë në Europa League, vetëm një më pak se golashënuesi më i mirë i këtij kompeticioni këtë sezon, Munas Dabbur i RB Salzburg.

B.N/dosja.al

Shto Koment