Rajoni

Reagon Hoti në lidhje me emërimin e Flakron Shalës si Konsull të Kosovës në Çeki: Nuk kam pasur dijeni, jam informuar nga mediat

Në një postim në Facebook ai ka shkruar se nuk kishte dijeni në lidhje me emërimin që ish-Presidenti Thaçi kishte bërë.
Featured image of article: Reagon Hoti në lidhje me emërimin e Flakron Shalës si Konsull të Kosovës në Çeki: Nuk kam pasur dijeni, jam informuar nga mediat Avdullah Hoti

KOSOVË- Kryeministri i Kosovës, Avdullah Hoti ka reaguar në lidhje me emërimin e Flakron Shalës si Konsull i Përgjithshëm i Kosovës në Çeki. Në një postim në Facebook, ai ka shkruar se nuk kishte dijeni në lidhje me emërimin që ish-Presidenti Thaçi kishte bërë. Ai u shpreh se është njoftuar nga mediat dhe se në lidhje me emërimin e Flakronit, Ish-Presidenti Thaçi nuk ka biseduar me të. Ai gjithahtu shtoi se qeveria e Kosovës po kryen një analizë të të gjitha misioneve diplomatike që Kosova ka në botë, në mënyrë që të sigurohet përputhshmëria me ligjin të këtyre misioneve.

“Për emërimin e Konsullit të  Përgjithshëm të Republikës Kosovës në Pragë të Çekisë, jam njoftuar nga mediat. Ky emërim nuk është koordinuar me mua. Qeveria është në proces të analizimit dhe rishikimit funksional të rrjetit të misioneve diplomatike. Pas kësaj analize do të ndërmerren të gjitha veprimet e nevojshme për të siguruar funksionim efikas të misioneve diplomatike dhe do të sigurohemi që përbërja e këtyre misioneve të jetë në përputhje me ligjin. Ndryshe reagime të shumta ka pasur për emërimin e Flakorn Shalës në këtë pozitë. U.d e presidentes, Vjosa Osmani ka thënë se do ta shfuqziojë këtë vendim të cilin ajo ka thënë se është bërë nga ish-presidenti Hashim Thaçi,” ka shkruar Hoti.

Për më shumë bëhu pjesë e grupit më viral në Facebook, Dosja.al

Flakron Shala është djali i deputetit të Kuvendit të Kosovës, Haxhi Shala. Ai është i njohur për publikun e Kosovës për kërcënimet dhe sharjet që i ka bërë të dashurës së të atit nëpërmjet Whats App-it.

(I.a/dosja.al)

Shto Koment