Politike

Raporti i FMN, Kryemadhi: Qeveria kapet pas ‘fijes së barit’, për të hequr vëmendjen nga problematikat kryesore sot në Shqipëri, ekonomia shqiptare në krizë

Kryemadhi ka thënë se ekonomia shqiptare është në krizë para pandemisë dhe tërmetit. Ajo ka deklaruar se koncesionet i dhanë goditjen në palcë ekonomisë shqiptare duke shtuar se  tërmeti dhe pandemia e rënduan më tej performancën e institucioneve tatimore dhe qeverisë.
Featured image of article: Raporti i FMN, Kryemadhi: Qeveria kapet pas ‘fijes së barit’, për të hequr vëmendjen nga problematikat kryesore sot në Shqipëri, ekonomia shqiptare në krizë

TIRANË- Kryetarja e Partisë e Partisë Socialiste për Integrim, Monika Kryemadhi, së fundmi ka komentuar raportin e FMN-së për Shqipërinë.

E ftuar në ‘Real Story” , Kryemadhi ka thënë se ekonomia shqiptare është në krizë para pandemisë dhe tërmetit. Ajo ka deklaruar se koncesionet i dhanë goditjen në palcë ekonomisë shqiptare duke shtuar se  tërmeti dhe pandemia e rënduan më tej performancën e institucioneve tatimore dhe qeverisë.

Ajo ka thënë ndër të tjera se qeveria kapet pas gjërave të vogla që sipas saj është një mënyrë për të largar vëmendjen e publikut nga problemet e Shqipërisë.

Për më shumë bëhu pjesë e grupit më viral në Facebook, Dosja.al

“Kriza ekonomike te ne ka filluar që përpara se të fillonte pandemia apo tërmeti, sepse koncesionet ishin ato që i dhanë goditjen në palcë ekonomisë shqiptare. Shkatërroi biznesin e vogël dhe atë të mesëm dhe pasuroi tre-katër veta. Rama ka shkatërruar edhe shtresën e mesme. Shkatërrimi i skemës së pensioneve dhe sigurimeve ka ardhur si pasojë e largimit të qytetarëve 25-45 vjeç, të cilët janë forca më e madhe intelektuale dhe që paguan taksat dhe sigurimet, por edhe mban bizneset gjallë. Rrënimi i ekonomisë, mbyllja e ekonomisë, largimi i të rinjve, mungesa e krijimit të vendeve të punës, mungesa e krijimit të një sistemi arsimor në mënyrë që të kemi një punë të mirëpaguar, duke bërë që të mos kemi profesionistë që do të drejtojnë në administratën shtetërore. Sot në administratë kemi punonjës të nivelit ZH. Sepse një mësues Matematike nuk të rri ty sot me 480 mijë lek në muaj, sepse do të ushqejë familjen, do paguajë dritat ujin, do vishet, a do studiojë diçka më shumë për veten e tij, kjo nuk i del dhe kështu një matematicien normalisht do të largohet. Ndërkohë, një Facebook-ist që vetëm rri shkruan komente, like dhe share e merr dyfishin e pagës së një mësuesi. Por, po të fokusohemi tek FMN-ja, faktikisht çfarë ka ndodhur? Ka ndodhur që dëmtimi i ekonomisë shqiptare, mungesa e transparencës dhe kapja ‘pas fijes së barit’ për të hequr vëmendjen nga problematikat kryesore sot në Shqipëri, që është mungesa e vendeve të punës dhe shpopullimi në masë i të rinjve ngas Shqipëria, është një nga problemet kryesore ku edhe ne dashje pa dashje fokusohemi ndonjëherë me deklarata shumë kalimtare, që janë tangente, dhe nuk merremi me thelbin e problemeve.”, pohoi kryetarja e LSI-së.

(a.k.dosja.al)

Shto Koment