Rajoni

Ramush Haradinaj: Qarqe evropiane duan të pengojnë një marrëveshje me Serbinë

Haradinaj thotë se BE është e pafuqishme për tu marrë tashmë me çështjen e kufirit mes Kosovës dhe Serbisë, madje ai shprehet i habitur me qëndrimin e Gjermanisë dhe kancelares Merkel, e cila përkrah Josep Borell, i cili le të hapur çështjen e kufijve.
Featured image of article: Ramush Haradinaj: Qarqe evropiane duan të pengojnë një marrëveshje me Serbinë Ramush Haradinaj

Tiranë- Ish-kryeministri i Kosovës, Ramush Haradinaj është i mendimit se disa qarqe evropiane duan që të pengojnë një marrëveshje për njohje reciproke me Serbinë.

Në një intervistë për Ora News, Haradinaj thotë se BE është e pafuqishme për tu marrë tashmë me çështjen e kufirit mes Kosovës dhe Serbisë, madje ai shprehet i habitur me qëndrimin e Gjermanisë dhe kancelares Merkel, e cila përkrah Josep Borell, i cili le të hapur çështjen e kufijve.

Ramush Haradinaj: Është dëshirë për të penguar një marrëveshje nga disa qarqe evropiane. Dikur evropianët mundoheshin ti atribuonin kritikën për diskutim të territorit të Kosovës amerikanëve. Tani shihet se evropianët se nga frika që amerikanët mund ta përshpejtojë arritjen e një marrëveshje ata vetë e hapin mundësinë e diskutimit të territorit, në mënyrë që të krijojë rezistencë ndaj arritjes së nja marrëveshje. Evropa në të kaluarën e bëri një gabim të madh. I la zonjës Mogerini duar të lira të flasë në emër të BE. Është e habitshme sot Berlini zyrtar si e lejon zotin Borell. Merkel ishte kundër lëvizjes së kufjeve dhe e ne çojmë këtë, tani habitem si e lejon Merkel njeriu që flet në emër të BE të lerë të hapur mundësinë e shkëmbimit të territoreve. Kjo flet për pafuqinë e BE për ta trajtuar këtë temë me sukses. Berlini zyrtar i nxitua të deklaronte se Borell dhe Lajçak janë Gjermania dhe ne i përkrahim. Për mua është e palogjikshme. Si mundet Berlini zyrtar të jetë në një vijë me Borell i cili le të hapur çështjen e kufijve të territoreve. Duhet që kancelarja Merkel dhe Presidenti Makron të veprojnë me Borell njësoj sic kanë vepruar me Mogherinin për tia marrë temën e dialogut. Është rrezik të lejohet vazhdimi i marrjes me çështjen e dialogut Kosovë-Serbi, i cili ka tolerancë të tillë. Toleranca e diskutimit të çështjes së territoreve të kufijve në Ballkan ka sjellë luftëra. Të gjithë e dinë kur diskutohen kufijtë në Ballkan sidomos kur janë ndalë me luftë.

Për më shumë bëhu pjesë e grupit më viral në Facebook, Dosja.al

Marrë nga Ora News 

J.V/Dosja.al

Shto Koment