Politike

Rama takon kryeminstrat europianë në Bruksel: Vendimi pozitiv për Shqipërinë e Maqedoninë e Veriut, rëndësi për BE

Në një postim në Facebook, Rama shkruan se një vendim pozitiv për dy vendet është me rëndësi edhe për BE-të, jo vetëm për Shqipërinë dhe Maqedoninë e Veriut.
Featured image of article: Rama takon kryeminstrat europianë në Bruksel: Vendimi pozitiv për Shqipërinë e Maqedoninë e Veriut, rëndësi për BE Edi Rama me kryeministrat europianë në Bruksel

BRUKSEL- Kryeministri Edi Rama ka publikuar foto nga takimi me kryeministrat europianë të Partive Socialiste si dhe komisionerët europianë socialistë në të cilin ka marrë pjesë së bashku me kryeministrin e Maqedonisë së Veriut Zoran Zaev.

Në një postim në Facebook, Rama shkruan se një vendim pozitiv për dy vendet është me rëndësi edhe për BE-të, jo vetëm për Shqipërinë dhe Maqedoninë e Veriut.

PESLeadersMeeting
#KëshilliEuropian
Së bashku me Kryeministrin Zayev në takimin e kryeministrave europianë të PSE dhe komisionerëve europianë të familjes sonë politike në BE, ku diskutuam për rëndësinë që ka për Bashkimin Europian, e jo vetëm për Shqipërinë e për Maqedoninë e Veriut, një vendimmarrje pozitive në Këshillin Europian”, shkruan Rama në Facebook.

Ministrat e Jashtëm të BE u mbodhën dy ditë më parë në Luksemburg për të përgatitur draftin me konkluzionet kryesore në axhendë për samitin e 17-18 Tetorit, ku do të vuloset edhe fati i Shqipërisë dhe Maqedonisë nëse do të hapen apo jo negociatat. Hahn tha se kundër janë 3 vende dhe po punohet me to. Ndërkohë një ditë më parë Macron nuk u bind për hapjen e negociatave për Shqipërinë edhe pas tentativave  nga ana e Gjermanisë.

(a.m/dosja.al)

Shto Koment