Politike

Rama ‘sherr’ me prindërit e nxënësve të shkollës “Emin Duraku”: Mos dëgjoni llafe tendash mediatike

Prindërit ngulmojnë se akt-ekspertimi nuk është i besueshëm dhe janë bërë dy brenda 24 orëve, ndërsa nga ana tjëtër Rama shprehet se duhet besuar mendimi i inxhinierëve dhe jo mediat, që ai i quan tenda mediatike, duke i sulmuar sërish.
Featured image of article: Rama ‘sherr’ me prindërit e nxënësve të shkollës “Emin Duraku”: Mos dëgjoni llafe tendash mediatike Edi Rama dhe shkolla "Emin Duraku"

TIRANË- Kryeministri Edi Rama ka replikuar sot me prindërit e nxënësve të shkollës “Emin Duraku”, të cilët i kanë kërkuar llogari për akt-konstatimin e qëndrueshmërisë së kësaj godine.

Prindërit ngulmojnë se akt-ekspertimi nuk është i besueshëm dhe janë bërë dy brenda 24 orëve, ndërsa nga ana tjëtër Rama shprehet se duhet besuar mendimi i inxhinierëve dhe jo mediat, që ai i quan tenda mediatike, duke i sulmuar sërish.

REPLIKAT

Ema Kasapi: Edi Rama une jam prind tek shkolla Emin Duraku dhe kam pare dy akte konstatimi te eksperteve nga Ministria e Ndertimit qe e klasifikojne te demtuar. Pasi kam lexuar dokumentit shteteror i bej pyetje drejtueses se shkolles dhe ministres se arsimit si mund te dalin mbi kete akt dhe ti fusin femijet ne shkolle? Informohu dhe ti me pare pa pase merak per durimin tim. E kam pakufi.

Edi Rama: Ema Kasapi pak durim dhe pak miresjellje te lutem, se e para nuk tha askush nje psikolog per klase, po behet fjale per psikologe qe shkojne klase me klase. Dhe e dyta mos degjoni llafe tendash mediatike se vetem ju çorodisin – tipik rasti i shkolles Emin Duraku ku gjithçka eshte e qarte dhe e sqaruar edhe me grupe inspektoresh te huaj, e ku jane dhene porosite e duhura, por ku disa “VIP”-a mediash bejne gjullurdine perkatese! Thjesht mos i degjoni dhe jeta vazhdon pa probleme te sajuara

Irida Marku: Zoti kryeminister duhet te inspektoni shkollen Emin Duraku.

Për më shumë bëhu pjesë e grupit më viral në Facebook, Dosja.al

Edi Rama: Irida Marku eshte inspektuar jo nga nje po nga disa grupe dhe jane te qarta fare gjerat dhe porosite!

Herion Topulli: Te lutem te Emin Duraku se nuk po kuptojme cte bejme.

Edi Rama:  Herion Topulli po degjuat tendat mediatike nuk do kuptoni dot asgje, po degjuat drejtuesit e shkolles e te institucioneve s’do keni asnje problem te kuptoni gjithcka per rastin ne fjale.

Debati për shkollën “Emin Duraku” prej ditësh ka qenë në qendër të mediave. Grupet e inspektimit kanë bërë dy akte konstatimi për këtë shkollë dhe një pjesë te saj e kanë shpallur si të pabanueshme. Sot prindërit kanë zhvilluar edhe një takim me drejtoreshën e shkollës, dhe i kanë bërë një peticion Besa Shahinit. Kjo e fundit u ka kthyer përgjigje dhe shprehet se një godinë është në formë të mirë dhe e qëndrueshme.

(A.B. Dosja.al)

Shto Koment