Politike

Rama njofton qytetarët: Platforma e bashkëqeverisjes është transformuar, vëmendja jonë në këtë moment është tek të prekurit nga tërmeti

Kreu i qeverisë tha se tashmë e gjithë platforma do të jetë në ndihmë të të gjithë të prekurve nga tërmeti, të cilët do kërkojnë informacion për gjendjen e shtëpisë do kërkojnë ushqime apo veshmbathje.

TIRANË- Kryeministri Edi Rama ka bërë me dije se platforma e bashkëqeverisjes, Shqipëriaqëduam.al, në ditët e emergjencës do të transformohet dhe nuk do merret më me problemet e mëparshme. Kreu i qeverisë tha se tashmë e gjithë platforma do të jetë në ndihmë të të gjithë të prekurve nga tërmeti, të cilët do kërkojnë informacion për gjendjen e shtëpisë do kërkojnë ushqime apo veshmbathje.

U bëjmë me dije të gjithë qytetarëve se e kemi ndaluar platformën e bashkëqeverisjes, në këto ditë të gjendjes së jashtëzakonshme. Që nga sot, nëpërmjet platformës qytetarët që duan të marrin informacion të shpejtë në lidhje me tërmetin mund të kërkojnë këtu. Me një klik vë në lëvizje ekipin dhe do të marrin të gjithë informacionin e nevojshëm. Të gjithë mund të kërkojnë informacion këtu, si për strehim, për veshje, për ushqime apo dhe për transport. Këto janë zëra që janë vendosur këtu, për të marrë parasysh të gjithë zërat e nevojave bazë”, u shpreh Rama.

Më tej Kryeministri u tha të gjithë operatoreve të platformës që të punonin s amë shumë në këto ditë emergjence që asnjë qytetarë të mos mbetej pa zgjidhur problemin e tij. Rama më tej u bëri thirrje qytetarëve që të vijonin me denocnimin e rasteve të tyre, pasi ato do ndiqen në një kohë të dytë.

E di që është një punë kolosale, do jenë me mijëra, por unë e di që ju jeni të përgatitur dhe do e përballoni këtë sfidë. Qytetarëve të tjerë u kërkojmë ndjesë pasi problemet e tyre nuk do zgjidhen dot në këtë moment kur është emergjenca. Besoj se e kemi mirëkuptimin e tyre. Ata nuk janë të ndaluar dhe të refezuar për ankesat, ata do i bëjnë ankesat, por detyrimi ynë për të marrë përgjigjen brend 10 ditëve bie, dhe do jetë në një kohë të dytë. Unë do bëj çmos që të mos bjerë ritmi të mos vonohet ritmi, por problemet do zgjidhen më vonë”, shtoi Rama.

(A.B. Dosja.al)

Shto Koment