Politike

Rama prezanton kandidatët në Durrës mes protestave, Dako dhe Arbana flasin për përgjimet e “Bild” (VD)

Rama u ndal sot në Durrës, ku prezantoi kandidatët për kryebashkikë të këtij qarku. Rama u prit me protesta nga simpatizantët e PD, të cilët mbanin pankarta në duar “Rama ik”. Vangjush Dako dhe Elton Arbana folën edhe për përgjimet e BILD, ku akuzuan opozitën se po mundohet të hedhë baltë mbi PS. Rama u shpreh i bindur se më 30 qershor do të fitojnë dhe ftoi të gjithë qytetarët të marrin pjesë në votime.

DURRËS- Kryeministri Edi Rama ka prezantuar sot kandidatët për bashkitë që janë pjesë e qarkut të Durrësit, që është një takimin përmbyllës për fushatën e zgjedhjve të e 30 qershorit. Si dhe në qytetet e tjera dhe në Durrës,Kryeministri është pritur me protesta me thirrje “Rama ik” dhe “Nuk ka zgjedhje pa opozitën”.

Vangjush Dako dhe Elon Arbana, dy eksponentë të Partisë Socialsite që u kapën në përgjimet e publikaura nga “Bild” kanë folur për këto biseda. Ata u shprehën se akzuat nuk janë të vërteta dhe përgjimet janë përt ë prishur imazhin e Shqipërisë.

Ndërkohë në fjalën e tij Rama ka folur me superlativa për Vangjush Dakon, duke thënë se ai është një punëtor shumë i mirë që i ka dhënë një fytyrë tjetër Durrësit.

(A.B & A.S/ Dosja.al)

  • 20:17

    “Do bëhet nami”/ Rama ironizon Bashën: Një fishkëllimë po ti bëjë Saliu, ikën me vrap në shtëpi

    Këtë pasdite Rama u ndal në qytetin bregdetar të Durrësit, ku zhvilloi një takim me qytetarët durrsakë.

    Rama ironizoi kreun e PD nga Durrësi, Lulzim Bashën, teksa ishte duke folur për trazirat që mund të ndodhin më 30 qershor, duke iu referuar deklaratave të opozitës dhe Metës

    Kush do e bëjë namin, Luli?  Atij një fishkëllimë po ti bëjë Saliu, ikën në shtëpi. Filxhani thotë se do bëhet nami. Për këtë “namin”po shkojnë njerëz në burg”, u shpreh Rama.

  • 20:08

    “Do përmirësojmë cilësinë e diellit”, Rama ironi me Ferdinant Xhaferrin dhe Grida Dumën

    Kryeministri Edi Rama nga Durrësi ku ka prezantuar kandidatët për bashkitë e këtij qarku ka bërë batuta më ish-kandidatët e PD për këtë qytet.

    Rama bëri një batutë për premtimin e Ferdinant Xhaferrit në Durrës që “do rriste cilësinë e diellit” dhe premtimin e Grida Dumës që “do vendoste çezmë në çdo 10 metër”

    “Ne nuk kemi fatin që ti kemi ata në garë, por ata kanë një pikë në programin e tyre që ne nuk e kemi. Rritjen e cilësisë së diellit dhe prandaj na vjen keq. Ndërsa kandidatja që ishte herën e fundit në garë, nuk mundi që të zbatonte planin e saj për çezma në çdo 10 metra”, tha Rama.

  • 19:56

    “Fitoi në mënyrë bindëse”, Rama fjalët më të mira për Dakon: Mundi Saliun me gjithë pushtetin e tij

    Kryeministri Edi Rama nga takimi përmbyllës i fushatës në Durrës, ka kujtuar me nostalgji kohës që këtë bashki e ka drejtuar Vangjush Dako. Rama tha se Dako i ka dhënë një fytyrë të re qytetit, duke e ndryshuar atë.

    Durrësi i ndryshuar është realitet falë Vangjush Dakos. Vangjushi e nisi drejtimin e Bashkisë me një grusht votash, falë punës, fitoi në mënyrë bindëse, kurse më pas fitoi në mënyrë triumfuese. Ajo që sot duhet thënë shumë qartë është se kush përpiqet të shkelë baltë mbi Vangjushin nuk do që qytetarët të kujtojnë diçka. Në Durrës Vangjushi ka fituar kur në pushtet ishte Saliu me të gjithë skuadrën më të mirë që ka pasur PD në historinë e saj dhe me të gjithë mekanizmat e pushtetit, që ju e dini si përdoreshin në kohën e Saliu, e nga të akuzuar janë kthyer në akuzues. Dako fitoi Durrësin kur ishte Saliu, ishte Jozefina dhe Sokol Olldashi, u dashka të blej vota me Gridën e Salianjin. E thënë ndryshe këtu në Durrës, të kesh mundur Sokol Olldashin, një nga figurat më të spikatura, një orator dhe njeri i njohur për forcën e larmishme në fushata elektorale, kur partia e tyre ka qenë në pushtet, po bleheshkan sot. Ajo që mbetet janë veprat. Durrësi do ta kujtoj me gjithmonë e me shumë respekt periudhën kur Dako e drejtonte bashkinë, falë gjurmëve që janë në këtë qytet”, u shpreh Kryeministri Rama.

  • 19:42

    Ishte pjesë e përgjimeve të ‘339’-ës, kandidati i Shijakut para Ramëës: Bëhemi më të fortë

    Kandidati i Partisë Socialiste në Shijak, Elton Arbana, gjatë prezantimit të tij para banorëve që ishin mbledhur nga qarku i Durrësit ka folur për përgjimet.

    Për Arbanën akuzat për blerje votash po bëhen për të prishur imazhin e Shqipërisë. “Ka dhe nga ata që na bëjnë pis imazhin e Shqipërisë, nuk e bëjnë dot, pasi ne bëhemi më të fortë”, u shpreh ai.

  • 19:42

    Akuzat për blerje votash dhe 339, Dako: Ne na votojnë qytetarët, Durrësi bastion i PS

    Kreu aktual i Bashkisë së Durrësit, Vangjush Dako, ka folur sot nga takimi elektoral në Durrës për përgjimet e dosjes 339. Dako tha se PD i ka akuzar për blerje votash, por kjo sipas tij nuk është e vërtetë sepse PS-në e ka votuar çdo qytetar.

    Na akuzojnë për blerje votash, ju jeni dëshmitar që çdo qyetar ka votuar PS-në nga viti në vit dhe kjo nuk ka ardhur rastësisht, por nga mirësjellja jonë, nga mosndarja që u kemi bërë qytetarëve dhe nga puna jonë e përditshme. Por e vërteta është që ata nuk e pranojnë dot që Durrësi nga bastion i PD-së është kthyer në bastion të PS-së”, tha Dako.

  • 19:32

    “Vdekje e komunizmit”/ Protestuesit përplasen me policinë, Dako hap fjalimin e fushatës së Ramës

    Situatë e tensionuar në qytetin bregdetar. Kryeministri Edi Rama është pritur me protesta në qytetin e Durrësit.

    Qytetarët e Durrësit janë bashkuar në kor me thirrjen “Vdekje komunizmit dhe ‘Rama ik”, ndërkohë që pranë tyre ndodhen edhe forca të shumta speciale me kundragaz.

    Fjalimi hapës i fushatës u hap nga kryebashkiaku aktual, aktual, Vangjush Dako. Ndërkohë që ka nisur përplasja e protestuesve me policinë.

Shto Koment