Aktualitet

Rama i paralajmëroi se do prishte çdo ndërtim pa leje/ 52-vjeçari nga Saranda e sfidoi, po ‘ngrinte shtesën’ në truallin e tij, Policia e arreston

52-vjeçari Lefter Marku, akuzohet për ndërtim të paligjshëm dhe si pasojë u arrestua.
Featured image of article: Rama i paralajmëroi se do prishte çdo ndërtim pa leje/ 52-vjeçari nga Saranda e sfidoi, po ‘ngrinte shtesën’ në truallin e tij, Policia e arreston Ndërtimi pa leje

SARANDË– Pronari i një trualli është vënë në prangat e Policisë së Shtetit pasi po ndërtonte pa leje në truallin e tij. 52-vjeçari Lefter Marku, akuzohet për ndërtim të paligjshëm dhe si pasojë u arrestua. Sipas Policisë, ai ishte duke ndërtuar një objekt shtesë në një objekt ekzistues në truallin në pronësi të tij, i papajisur me leje ndërtimi nga autoritetet kompentente.

NJOFTIMI I PLOTË:

Sarandë

Për më shumë bëhu pjesë e grupit më viral në Facebook, Dosja.al

Kryente ndërtime pa leje, vihet në pranga pronari i truallit. Në zbatim të detyrave të përcaktuara në planin e veprimit të hartuar nga Drejtoria e Përgjithshme e Policisë së Shtetit, për marrjen e masave me qëllim parandalimin, evidentimin dhe ndëshkimin e ndërtimeve pa leje, veçanërisht brenda vijës së verdhë në zonat urbane, shërbimet e Komisariatit të Policisë Sarandë gjatë kontrollit të territorit në Ksamil, kanë konstatuar se brenda vijës së verdhë po kryhej një ndërtim pa leje.

Në vijim të veprimeve u bë arrestimi në flagrancë për veprën penale “Ndërtimi i paligjshëm”, i shtetasit L. M., 52 vjeç, banues në Ksamil, Sarandë. Arrestimi i këtij shtetasi u bë pasi u konstatua në lagjen Nr. 2, Ksamil, duke ndërtuar një objekt shtesë në një objekt ekzistues në truallin në pronësi të tij, i papajisur me leje ndërtimi nga autoritetet kompentente. Materialet procedurale i kaluan Prokurorisë, për veprime të mëtejshme, për veprën penale “Ndërtimi i paligjshëm”.

(k.m/dosja.al)

Shto Koment