Aktualitet

Gjoba 44 mln $/ Biznesmeni Bego: U zgjodhëm nga firma “Aktor” në kohën e Berishës. PD akuza qeverisë, PS nxjerr Ballën: Padi mediave dhe demokratëve, lanë rrugët në gjysmë që sollën ndëshkimin

Gjykata Ndërkombëtare e Arbitrazhit (ICC) ka dhënë vendimin se qeveria shqiptare duhet t’i paguajë 44 milionë dollarë kompanisë greke “Aktor” për mospagesën e punimeve në autostradën Tiranë-Durrës. Qeveria Rama hoqi kompaninë "Aktor" dhe pajtoi atë të Edmond Bego, “Inerte Ekspress” për punimet shtesë, ku u bë edhe pagesa prej 10 milionë euro. Bego ka mohuar këtë lajm. Ndërkohë nga vetë qeveria Rama ende nuk kemi një reagim zyrtar.
Featured image of article: Gjoba 44 mln $/ Biznesmeni Bego: U zgjodhëm nga firma “Aktor” në kohën e Berishës. PD akuza qeverisë, PS nxjerr Ballën: Padi mediave dhe demokratëve, lanë rrugët në gjysmë që sollën ndëshkimin Edi Rama, Edmond Bego, PD

TIRANË- Ditën e djeshme Dosja.al zbuloi një vendimin e Gjykatës Ndërkombëtare të Arbitrazhit (ICC), ku thuhet se  qeveria shqiptare duhet t’i paguajë 44 milionë dollarë kompanisë greke “Aktor” për mospagesën e punimeve në autostradën Tiranë-Durrës.

Ky vendim u dha nga Arbitrazhi, pasi kompania greke “Aktor” paditi qeverinë shqiptare për punimet shtesë në këtë aks rrugor. Në momentin kur “Aktor” kishte nisur punimet shtesë, qeveria shqiptare largoi këtë kompani dhe pajtoi kompaninë e biznesmenit Edmond Bego, “Inerte Ekspress”. Kompania e Begos mori pagesën prej 10 milionë euro për përfundimin e punimeve në rrugën Tiranë-Elbasan.

Një ditë pas publikimit të këtij lajmi nga Dosja.al, erdhi edhe një reagim nga vetëm Edmond Bego, pronari i firmës  “Inerte Ekspress”. Bego deklaroi se asgjë nuk është e vërtetë, pasi sipas tij kompania “Inerte Ekspress” nuk ka qenë asnjeherë e kontraktuar nga ARRSH-ja për të përfunduar kontratën  e rrugës Tiranë-Elbasan. Ai sqaron më tej se firma e tij është përzgjedhur nga Shoqëria “Aktor ” në që fillimin e kontratës për furnizim me inerte dhe beton. Kjo kontratë, sipas Begos është firmosur në kohën kur Sali Berisha ishte kryeministër.

Për më shumë bëhu pjesë e grupit më viral në Facebook, Dosja.al

Ndërkohë për këtë vendim ka reaguar edhe Partia Demokratike. Ish-deputeti Gent Stazimiri  përmes një deklarate nga selia blu, deklaroi se Edi Rama ka gjobitur me 44 milionë dollarë shqiptarët për interes të mikut të tij dhe të Taulant Ballës, Edmond Bego.

Kryetari i Grupit Parlamentar të Partisë Socialiste Taulant Balla ka reaguar në emër të Partisë Socialiste.  Përmes një postimi në rrjetin social Facebook, Balla thekson se vendimi i Gjykatës së Arbitrazhit, lidhet me projektet e papërfunduara të kësaj rruge gjatë qeverisjes së PD-së. Ai deklaron se do të paditë median dhe Partinë Demokratike për akuzat lidhur me ndërtimin e rrugës Tiranë-Elbasan.

(f.m/j.v/dosja.al)

  • 13:02

    Ndëshkimi në arbitrazh/Gent Strazimiri: Rama gjobiti shqiptarët me 44 milionë dollarë për interes të mikut të tij dhe të Taulant Ballës, Edmond Bego

    Ish-deputeti i Partisë Demokratike, Gent Stazimiri ka reaguar për lajmin e publikuar nga Dosja.al se Edmond Bego mori nga qeveria shqiptare 10 milionë euro për të mbyllur punimet në rrugën Tiranë-Elbasan. Stazimiri përmes një deklarate nga selia blu, deklaroi se Edi Rama ka gjobitur me 44 milionë dollarë shqiptarët  për interes të mikut të tij dhe të Taulant Ballës, Edmond Bego.

    DEKLARATË E PARTISË DEMOKRATIKE,

    44 milion euro është fatura e re që do të paguajnë shqiptarët për Edmond Begon, mikun e Taluant Ballës dhe të Edi Ramës.
    Gjykata e Arbitrazhit Ndërkombëtar ka dënuar shtetin shqiptar pas padisë së kompanisë greke Aktor, e cila kishte fituar tenderin për të kryer punimet në rrugën Tiranë-Elbasan.

    Kompania greke ishte kontraktuar nga qeveria shqiptare për të bërë punimet shtesë, por Edi Rama në mënyrë që të favorizonte kompaninë e mikut të tij dhe të Taulant Ballës “Inerte Ekspress” te Begos vuri gjoba, bëri presion dhe tentoi që të largonte kompaninë Greke Aktor e cila mbasi mori nënkontraktorët e imponuar nga qeveria u largua pa marrë asnjë pagesë.

    Për këtë arsye Aktor iu drejtuar Gjykatës së Arbitrazhit Ndërkombëtar duke paditur qeverinë shqiptare.
    Me 1 shtator 2020, pra vetëm 5 ditë më parë, Arbitrazhi shpalli vendimin që i jep të drejtë kompanisë greke dhe dënon Shqipërinë ta dëmshpërblejë atë me plot 44 milion euro.

    Pra, qeveria shqiptare, për të favorizuar kompaninë e Edmond Begos me shokë ngarkon në këtë mënyrë buxhetin e shtetit shqiptar i cili sigurohet me taksat e qytetarëve shqiptarët. 

    Edi Rama në 2013 mori një rrugë të përfunduar dhe shpenzoi 138 mln euro kosto shtese:
    * nga 312 milion euro e parashikuar ne fillim, kostoja e rruges perfundoi në 450 milion euro.
    Pa asnjë bilanc në punë publike, pa asnjë rrugë të shtruar, ne 8 vjet edhe ato investime publike që gjetën të gatshme
    * ose i dhanë me koncesion
    * ose i përdorën për ti vjedhur.

    Në një kohë kur mijëra qytetarë jetojnë ende në çadra dhe 99 përqind e shqiptarëve vuajnë krizën e thellë ekonomike nga keqqeverisja, Edi Rama u shton një haraç të ri në kurriz. 44 milion eurot nuk i paguan as Edi Rama, as Taulant Balla dhe as Edmond Bego i cili mori miliona euro për tenderin e përfundimit të rrugës Tiranë-Elbasan.
    44 milion eurot e kompanisë greke do ti paguajë një më një çdo qytetar i Shqipërisë nëpërmjet taksave që do shtohen. Kjo faturë që rëndon në xhepat e shqiptarëve dhe të ekonomisë së Shqipërisë, vjen vetëm pak muaj pas një tjetër ndëshkimi nga Arbitrazhi Ndërkombëtar. Për shkak të banditizmit të Edi Ramës dhe interesit të Rilindjes, kjo gjykatë e ndëshkoi Shqipërinë dhe shqiptarët me faturën 110 milion eurove për një dëm shkaktuar pa shkak ligjor, biznesmenit italian Francescho Bechetti, media kritike dhe bizneset e të cilit u mbyllen arbitrarisht nga qeveria e rilindjes sapo erdhi në pushtet. Janë plot 153 milion euro për dy muaj që Shqipëria duhet tu paguajë vetëm dy kompanive si pasojë e vendimeve të Arbitrazhit Ndërkombëtar.
    153 milion euro të cilat do ti paguajnë shqiptarët, jo Edi Rama dhe miqtë e tij që sot ndajnë fitimet ndërsa shqiptarët vuajnë urinë.

    Për shqiptarët ka vetëm një rrugë që të shpëtojnë nga mali i borxheve që po rrit çdo ditë keqqeverisja e Edi Ramës dhe banda e tij e Rilindjes. Rruga është largimi një orë e më parë i kësaj qeverie dhe hapja e një rruge për një qeverisje normale që mendon për popullin, ekonominë, jo që i zhyt ata në borxhe pa fund. Çdo orë më shumë që qëndron në pushtet, çdo herë më shumë që hyn në zyrën e Kryeministrit, Edi Rama plaçkit, tashmë, edhe mjerimin e shqiptarëve. Të nderuar qytetarë! Na kushton të gjithëve më lirë ta shporrim sa më parë e t’i heqim nga duart e felliqura, një pushtet që s’e ka marrë me votë!

  • 09:33

    Rama hoqi grekët dhe i dha 10 mln euro për rrugën Tiranë-Elbasan/ Edmond Bego: S’është e vërtetë, me ARRSH-në s’kam bërë asnjë kontratë, u zgjodhëm nga firma “Aktor” kur ishte Berisha në pushtet

    Edmond Bego, rruga Tiranë-Elbasan, ARRSH dhe Sali Berisha

    Edmond Bego, pronari i kompanisë “Inerte Ekspress” ka reaguar për lajmin e publikuar në Dosja.al se mori 10 milionë euro nga qeveria shqiptare për të mbyllur punimet në rrugën Tiranë-Elbasan.

    Bego deklaron se asgjë nuk është e vërtetë, pasi sipas tij kompania “Inerte Ekspress” nuk ka qenë asnjeherë e kontraktuar nga ARRSH-ja për të përfunduar kontratën  e rrugës Tiranë-Elbasan. Ai sqaron më tej se firma e tij është përzgjedhur nga Shoqëria “Aktor ” në që fillimin e kontratës për furnizim me inerte dhe beton. Kjo kontratë sipas Begos është firmosur në kohën kur Sali Berisha ishte kryeministër.

    “Lidhur me lajmet e hedhura ne tregun mediatik se shoqeria qe zoteroj paska marre persiper punimet pas nderprerjes se kontrates me firmen Aktor nuk eshte aspak e vertete dhe kjo deklaruar me pergjegjesi te plote nga ana ime. Se pari shoqeria qe une zoteroj sic e shpjegova dhe me siper merret me aktivitetet e mesiperme dhe nuk ka qene asnjehere e kontraktuar nga enti perkates per te perfunduar apo per te punuar ne kete kontrate. Si te gjithe shoqerite private ne jemi perzgjedhur nga shoqeria aktor qe ne fillimin e kesaj kontrate per furnizim me inerte dhe beton, kjo ka ndodhur ne kohen kur qeveria drejtohej nga pd (Sali Berisha kryeminister). Me pergjegjesi te plote ligjore deklaroj se asnjehere dhe per asnje pune apo kontrate nuk jemi kontraktuar nga ARRSH-ja jo vetem per kete segment rrugor por per asnje tjeter.”, thuhet në reagim. 

    Reagimi i plotë:

     Marre shkas se kemi qene  vazhdimisht nen nje sulm mediatik duke cenuar ne menyre te drejtperdrejt aktivitetin e shoqerise sime kerkoj qe nuk do te lejoj asnje sulm apo insinuate te tille dhe per kete do ndermarr te gjithe hapat proceduriale duke kerkuar perballje dhe ti mbrojne keto deklrate ne sallen e gjyqit. Nisur nga lajmet e publikuara se fundmi nga disa media mbi perfshitjen e shoqerise “Inerte Express” ne punimet e rruges Tirane-Elbasan sqarojme si vijon.

    Shoqeria “Inerte Express” shpk eshte nje shoqeri private e krijuar konform legjislacionit dhe ushtron veprimtarine e saj ne fushen e ndertimit perfshire prodhim inertesh si dhe prodhim e shitje betoni si produkt i veprimtarise ne ndertim. Lidhur me lajmet e hedhura ne tregun mediatik se shoqeria qe zoteroj paska marre persiper punimet pas nderprerjes se kontrates me firmen Aktor nuk eshte aspak e vertete dhe kjo deklaruar me pergjegjesi te plote nga ana ime.

    Se pari shoqeria qe une zoteroj sic e shpjegova dhe me siper merret me aktivitetet e mesiperme dhe nuk ka qene asnjehere e kontraktuar nga enti perkates per te perfunduar apo per te punuar ne kete kontrate. Si te gjithe shoqerite private ne jemi perzgjedhur nga shoqeria aktor qe ne fillimin e kesaj kontrate per furnizim me inerte dhe beton, kjo ka ndodhur ne kohen kur qeveria drejtohej nga pd (Sali Berisha kryeminister). Me pergjegjesi te plote ligjore deklaroj se asnjehere dhe per asnje pune apo kontrate nuk jemi kontraktuar nga ARRSH-ja jo vetem per kete segment rrugor por per asnje tjeter.

    Lidhur me kete ne jemi besimplote se nuk kemi kryer asnje shkelje ligjore per sa kohe ne kemi qene ne rolin e furnitorit me materialet Inerte dhe beton sic cdo subjekt privat tjeter do te bente. Per me teper kompani aktor ka bashkepunuar me shume shoqeri shqiptare per pune te ndryshme gjate kohes se ndertimit te kesaj rruge, Ne si shoqeri nuk do kufizohemi as ndikohemi nga drejtimi politik momental dhe as nga miqesite majtas dhe djathtas ne aktivitetin tone te perditshem. Per shkak te luftes se pamoralshme politike ne nuk mund te jemi objekt sulmi me qellim perbaltje te kundershtarit dhe akuza krejtesisht te hamendesuara si dhe te hartuara ne menyre krejtesisht krimimanle.

    Marre shkas se kemi qene  vazhdimisht nen nje sulm mediatik duke cenuar ne menyre te drejtperdrejt aktivitetin e shoqerise sime kerkoj qe nuk do te lejoj asnje sulm apo insinuate te tille dhe per kete do ndermarr te gjithe hapat proceduriale duke kerkuar perballje dhe ti mbrojne keto deklrate ne sallen e gjyqit.

Shto Koment