Politike

Rama flet për COVID-19: Do kemi luftë të gjatë, jemi përgatitur për skenarin më të keq

Rama u shpreh se lufta kundër koronavirusit do jetë e gjatë dhe qeveria është përgatitur për skenarin më të keq.
Featured image of article: Rama flet për COVID-19: Do kemi luftë të gjatë, jemi përgatitur për skenarin më të keq Edi Rama, Kryeministër i Shqipërisë

TIRANË- Kryeministri i Shqipërisë, Edi Rama, ka folur sot në mbrëmje për situatën e krijuar nga përhapja e COVID-19 në Shqipëri. I ftuar sot në emisionin “Real Story”, Rama u shpreh se lufta kundër koronavirusit do jetë e gjatë dhe qeveria është përgatitur për skenarin më të keq. Më tej kreu i qeverisë tha se tani janë të detyruar të marrin masa për variantin më të keq dhe kur kapacitetet spitalore do të ezaurohen, do krijohen mundësi të tjera.

Më vjen keq që kam qenë i pari që kam përdorur fjalën ‘luftë’. Kjo është një luftë e panjohur në historinë e njerëzimit. Është një luftë, të cilës njerëzimi nuk ja di ilacin dhe nuk di sit ë reagojë, ndaj e vetmja gjë është të mbrohet. Ky armik nuk ndalet, thjesht të pengohet të përparojë me shpejtësi, pasi kjo është fatale, se fut në kolaps systemin shëndetësor të çdo vendi. Është një luftë për të cilën duhet të përgatitemi se mund të zgjasë dhe do të zgjasë shumë”, u shpreh Kryeministri.

Për më shumë bëhu pjesë e grupit më viral në Facebook, Dosja.al

Në Shqipëri janë 174 të infektuar me Covid-19, mes tyre 4 fëmijë dhe 6 viktima. Ndërkohë që 17 nga të prekurit janë shëruar, harta e infektimit është zgjeruar. Tropoja i bashkohet listës me 2 të infektuar, ndërsa epiqendra është në Tiranë me 102 të infektuar. 12 mjekë dhe infermierë janë prekur, ndërkohë që Spitali Infektiv, COVID1 po mbush kapacitetet me 73 shtretër. Qytetarët duhet të qëndrojnë brenda.

(A.B. Dosja.al)

Shto Koment