Politike

Beqaj merr drejtimin e socialistëve të Shkodrës/ Deputeti: Vështirë të bëhen ndryshime në qeveri 7 muaj para zgjedhjeve

VIDEO
Beqaj ka deklaruar se është e vështirë të bëhen ndryshime në qeveri 7 muaj para zgjedhjeve. Ai ka thesuar se Ditmir Bushati ka 14 muaj që nuk është aktiv në Partinë Socialiste.
Featured image of article: Beqaj merr drejtimin e socialistëve të Shkodrës/ Deputeti: Vështirë të bëhen ndryshime në qeveri 7 muaj para zgjedhjeve Ilir Beqaj

TIRANË- Deputeti i Partisë Socialiste, Ilir Beqaj ka zhvilluar sot takimin e parë si kordinator  i qarkut të Shkodër. Gjatë fjalës së tij para socialistëve Beqaj ka deklaruar se  kjo detyrë e re është një privilegj për të. Ai ka theksuar më tej se është vështirë që të bëhen ndryshime në qeveri 7 muaj para zgjedhjeve.

“Privilegj për mua që të kthehem në Shkodër. Ndryshimet në qeveri nuk është lehtë që të bëhet 7 muaj para zgjedhjeve”, u shpreh ai.

Po ashtu Beqaj komentoi edhe largimin e Ditmir Bushatit, duke thënë se ai ka 14 muaj që nuk është aktiv në PS-në e Shkodrës.

Për më shumë bëhu pjesë e grupit më viral në Facebook, Dosja.al

Bushati ka 14 muaj që e ka lënë PS-në Shkodër dhe nuk mund të themi si e la ai PS-së këtu. Zoti Bushati është deputet dhe nuk e vendosim në nëse është apo jo dhe aktualisht nuk ndodhet as në Tiranë dhe as në Shkodër”, ka thënë Beqaj.

Ndërkohë, një deklaratë e djeshme e ministres Besa Shahini ka ngritur shumë dyshime për ndryshimet në qeveri. Shahini u shpreh se do të largohet nga Shqipëria pas përfundimit të mandatit qeverisës. Mesa duket Shahini është emri i parë që fshihet nga lista e Ramës për t’u përfshirë në kabinetin e një mandati të tretë të mundshëm.

Sakaq, kohë e fundit, mediat pranë Ramës kanë sugjeruar se kryeministri duhet të largojë nga detyra ministrat që janë teknikë e nuk kanë popullaritet tek baza socialiste. Emrat e kritikuar kanë qenë Besa Shahini, Sandër Lleshaj, Arben Ahmetaj e Gent Cakaj.

J.V/Dosja.al 

Shto Koment