Politike

Rama dhe ministrja Gjonaj e pranojnë: Kemi shumë për të bërë për Reformën në Drejtësi, balta që na hedhin nuk është e lakmueshme

VIDEO
Vetë Rama, në prezantimin e skuadrës për Tiranën tha se Reforma është një projekt që vijon dhe se posti i ministres nuk është edhe aq i lakmueshëm për shkak të baltës që i është hedhur.
Featured image of article: Rama dhe ministrja Gjonaj e pranojnë: Kemi shumë për të bërë për Reformën në Drejtësi, balta që na hedhin nuk është e lakmueshme Edi Rama

TIRANË– Kryeministri Edi Rama dhe ministrja Etilda Gjonaj që drejton prej vitesh Ministrinë e Drejtësisë kanë pranuar se në fakt ka edhe shumë punë për tu bërë në Reformën në Drejtësi.

Vetë Rama, në prezantimin e skuadrës për Tiranën tha se Reforma është një projekt që vijon dhe se posti i ministres nuk është edhe aq i lakmueshëm për shkak të baltës që i është hedhur.

Pjesë nga biseda:

Për më shumë bëhu pjesë e grupit më viral në Facebook, Dosja.al

Edi Rama: Ka marrë në duar drejtimin e një dikasteri shumë të rëndësishëm, por sidomos në këtë fazë kur drejtësia është një produkt i një vullneti të jashtëzakonshëm. Partia Socialiste ka investuar pa asnjë lëkundje që në muajin e parë, dhe pa Partinë Socialiste nuk mund të imagjinohej. Reforma është një projekt i një përpjekjeje kolektive. Të qenit në krye të Ministrisë së Drejtësisë në këtë periudhë nuk ka qenë e lehtë dhe as i lakmueshëm sidomos për mbajtjen e baltës që na hedhin, kemi të gjitha arsyet që të jemi krenarë për punën e bërë në këtë drejtim nga të gjithë ata që janë përfshirë në mënyrë të drejtpërdrejtë dhe kanë qenë forca e madhe. Etilda përfshihet për herë të parë në skuadrën tonë përfaqësuese, mbulon një nga zonat e kryeqytetit. Edhe të tjerët që janë përfshirë kanë ambicjen dhe dëshirën për të qenë kontribues shoqëror përveçse profesional siç janë të gjithë profesionistët kudo.

Etilda Gjonaj: Ndihem e privilegjuar që jam pjesë e kësaj skuadre, falenderoj dhe Veliajn që më dha besimin. Ashtu si para katër vitesh kur mu dha besimi për të drejtuar Ministrinë e Drejtësisë kur priteshin rezultatet e Reformës në Drejtësi. Për mua është hera e parë që jam përfaqësuese e listës, por besoj se rezultatet e reformës në drejtësi, lufta kundër krimit të Organizuar e korrupsionit, janë të prekshme tashmë. Kemi edhe shumë për të bërë. Zgjedhjet e 25 prillit do të na përballin me gjykimin e njerëzve dhe nuk kam dyshim që do zgjedhin Partinë Socialiste.


LAJM KRYESOR: Rama me skuadrën e Tiranës: Fitojmë 20 deputetë, na duhet një mandat i tretë për të çuar gjërat në fund. Opozita, grumbullim mbetjesh të shekullit të kaluar (Thumbat dhe batutat me Majkon e Bozon)

(f.m/dosja.al)

Shto Koment