"Je dele e Edi Ramës"/ Plas debati te "Ligjet", Gogu-Dogjanit: Mos më dhuno
18 Mars, 14:51
Kundër aktit normat...
Politike
“Rama dhe klika e tij janë rrjetë merimange korrupsioni”/ Jorida Tabaku: 34.6% e biznesit shqiptar përgatitin zarfet për
7 Nëntor 2019, 10:12Nga DOSJA
Tiranë- Ish-deputetja e PD-së Jorida Tabaku, ka deklaruar një një deklaratë për mediet nga selia blu se biznesi në Shqipëri akuzon qeverinë për korrupsion në administratën publike.
Sipas saj Banka Botërore ka publikuar shifrat alarmante ku theksohet se 34.6% e biznesit duhet të përgatisë zarfin sa herë që takojnë një ofiqar të shtetit.
“Këto shifra janë tregues kokëfortë që Rama dhe klika e tij në pushtet kanë krijuar një rrjetë merimange të korrupsionit ku çdo biznes i duhet të paguajë për të mbijetuar. Ndërkohë që kompanitë që ankohen se taksat janë pengesë serioze për zhvillimin e biznesit për vitin 2019 janë 48.8%, kjo vlerë është 3 herë më e lartë se sa viti 2013.”, shprehet Tabaku.
Deklarata e Tabakut: Sondazhi i fundit i Bankës Botërore është një tjetër këmbanë që i kujton qeverisë shqiptare se si koha e saj në pushtet ka prodhuar korrupsionin më të pamenduar ndër shqiptarë. Janë 36,1% e bizneseve shqiptare që ankohen se korrupsioni është kthyer në oksigjenin e jetës së administratës publike tatimore dhe qeverisëse. Qeveria Rama që erdhi në pushtet me parrullën e luftës kundër korrupsionit sot gjendet në bankën e të akuzuarve të biznesit si qeveria edhe më e korruptuar.
Sipas Bankës Botërore janë 44% e bizneseve shqiptare që ankohen se korrupsioni është kthyer në një pengesë kryesore për punën e tyre ndërkohë që 34.6% e tyre u duhet të përgatisin zarfin sa herë që takojnë një ofiqar të shtetit.
Në të njëjtin raport tregohet se 92,3% e bizneseve ankohen se vizitohen pambarimisht nga tatimet apo thërriten në zyrat e shtetit. Sondazhi në fjalë i paraqitur më pas si një raport krahasues është një tjetër provë që i shtohet dosjes së madhe të korrupsionit që PD ka nisur të denoncojë që në ditët e para të kryeministrit Rama.
Këto shifra janë tregues kokëfortë që Rama dhe klika e tij në pushtet kanë krijuar një rrjetë merimange të korrupsionit ku çdo biznes i duhet të paguajë për të mbijetuar. Ndërkohë që kompanitë që ankohen se taksat janë pengesë serioze për zhvillimin e biznesit për vitin 2019 janë 48.8%, kjo vlerë është 3 herë më e lartë se sa viti 2013.
Bizneset që identifikojnë administratën tatimore si pengesë serioze në biznesin e tyre janë 29% një vlerë 2 fish më e lartë se sa në vitin 2013. Sipas bizneseve shqiptare taksat e larta, informaliteti dhe krahu i pakualifikuar i punës, janë barrierat reale për të përmirësuar ekonominë dhe jetën e tyre.
Qartësisht dhe lehtësisht e kuptueshme për të gjithë; Shqipëria e Ramës është ajo e shtetit kartel që bashkëpunon me oligarkët përmes korrupsionit dhe taksave të larta. Këto shifra dhe të dhëna në fakt vijnë mbas atyre të Departamentit të Shtetit ku Shqipëria cilësohet si vendi më i korruptuar në Ballkan. DASH theksoi se sot duhet o të jesh i lidhur me qeverinë dhe me lidhje politike ose të paguash taksën e korrupsionit.
Kjo situatë po bëhet e papërballueshme për bizneset. Kjo qeverisje ku duhet patjetër o të paguash o mbyllesh, o të paguash ose nuk ekziston duhet të marrë fund. Partia Demokratike do t’u ofrojë bizneseve jo vetëm taksa më të ulëta, derregullim të tregut dhe një treg të lirë e të konkurueshëm. Por, do t’u japë atyre mundësinë që kohën e shenjtë të punës dhe biznesit mos ta kalojnë duke llogaritur gjobat për ofiqarët e tatimeve dhe as duke paguar kafet e qeveritarëve për tendera.
Nuk do të ketë më asnjë zyrtar a taksidar në zyrat e biznesit, ku pulla fiskale do të bëjë të mundur që askush të mos i bjerë dyerve të biznesit! Ne besojmë tek konkurenca e lirë dhe tek tregu i lirë. Ne besojmë tek puna dhe ka ardhur koha t’i japim frymë biznesit, të heqim çdo barrë e barrierë që kjo qeveri ka vendosur, dhe ta kthejmë Shqipërinë në qendrën e biznesit dhe investimeve.
J.V/Dosja.al
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ish-ministri i Drejtësisë, Ylli Manjani ka reaguar në lidhje me atentatin kundër prokuorit Arjan Ndoja. Manjani tregohet i ashpër me prokurorin, du...
TIRANE- Partia Socialiste dhe opozita parlamentare kanë diskutuar sot në lidhje me Reformën Zgjedhore, ku pritet që shumë shpejt pritet të publikohet një draft ...
SHKODËR- Lideri demokrat Lulzim Basha ka zhvilluar sot një takim me të rinjtë në qytetin e Shkodrës, në kuadër të turit të takimeve të tij për “Rrugëtimin ...
TIRANË- “Është fakt që ne gabuam në Shkodër. Kjo nuk ka të bëjë thjeshtë dhe vetëm me kandidatin që ne ofruam në zgjedhjet e 30 qershorit por mendoj s...
ELBASAN– Ditën e sotme socialistët u mblodhën nismën “Ti zgjedh” nga qyteti i Elbasanit për zgjedhje të brendshme brenda Partisë Socialiste, të cilat do të mbah...
TIRANË- Kryebashkiaku i Divjakës, Fredi Kokoneshi ka reaguar pas denoncimit të Sali Berishës, i cili e akuzonte këtë të fundit se është përfshirë në atenta...
TIRANË- Kreu i Partisë Demokratike, Lulzim Basha, ka zhvilluar sot një takim me të rinjtë në qytetin e Shkdorës, në kuadër të turit të takimeve të tij për ...
TIRANË- LSI ka mbledhur ditën e sotme Kryesinë, ku janë caktuar koordinatorët për qarqet Tiranë, Durrës dhe Vlorë, të cilat ishin pa koordinatorë.Mësohet s...
TIRANË– Zv.kryeministri Erion Braçe i është përgjigjur denoncimit të ish-kreut të qeverisë, Sali Berishës se ai bashkë me kryebashkiakun e Divjakës ...