Aktualitet

Qytetarët në Kombinat s’i tremben COVID-19, grumbullohen para postës, policët bëjnë sehir

FOTO
Qytetarët në Kombinat s’i tremben COVID-19. Në Kombinat disa prej tyre nuk mbajnë radhë, por qëndrojnë grumbull para postës.
Featured image of article: Qytetarët në Kombinat s’i tremben COVID-19, grumbullohen para postës, policët bëjnë sehir Foto, qytetarët në Kombinat

Tiranë- Shqiptarët nuk i binden masave të marra nga qeveria për Covid-19. Dhjetëra qytetarë në Kombinat shfaqen grumbull para godinës së Postës Shqiptare. Me çadra në duar, asnjë prej tyre nuk qëndron në radhë, madje ata shfaqen shumë pranë njëri-tjetrit. Ndërkohë, që në fotot që qarkullojnë në rrjet shfaqen edhe disa efektivë Policie që nuk ndërhyjnë, por qëndrojnë nën strehë, që të mos lagen nga shiu.

Foto nga Kombinati në Tiranë

Qeveria bën thirrje që qytetarët të vetëizolohen në banesat e tyre dhe nëse lëvizin brenda orarit të lejuar, duhet të kenë distancë deri në 3 metra me njëri-tjetrin.

Për më shumë bëhu pjesë e grupit më viral në Facebook, Dosja.al

Në Shqipëri janë 186 të infektuar me Covid-19, mes tyre 4 fëmijë, ndërsa numri i viktimave ka shkuar në 8. 31 nga të prekurit janë shëruar, por harta e infektimit është zgjeruar. Puka i bashkohet listës me 2 të infektuar, ndërsa epiqendra është në Tiranë me 107 të infektuar. 12 mjekë dhe infermierë janë prekur, ndërkohë që Spitali Infektiv, COVID1 po mbush kapacitetet me 77 shtretër. Autoritetet kanë vetëm një thirrje për qytetarët: Qëndroni brenda!

J.V/Dosja.al 

Shto Koment