Rajoni

Qytetarët ende në ankth, Banka Qëndrore e Kosovës: Nuk është marrë vendim për shtyrjen e afatit të kësteve të kredive

BQK shkruan se ende nuk është marrë vendimi që afati i shtyrjes së pagesës së kësteve të kredive të jetë 3 muaj.
Featured image of article: Qytetarët ende në ankth, Banka Qëndrore e Kosovës: Nuk është marrë vendim për shtyrjen e afatit të kësteve të kredive Banka Qëndrore e Kosovës

KOSOVË- Banka Qendrore e Kosovës, në një reagim për mediat është shprehur se nuk ende asnjë vendim i ri për shtyrje tjetër të afatit të pagesës së kësteve të kredive. BQK shkruan se ende nuk është marrë vendimi që afati i shtyrjes së pagesës së kësteve të kredive të jetë 3 muaj.

Sipas vendimit të parë nga data 16 mars deri me 16 qershor 2020 kredimarrësit që kanë hasur vështirësi financiare, kanë pasur mundësi të shtyjnë pagesën e kësteve.

Sikurse kemi informuar edhe më herët, gjatë kësaj periudhe institucionet kredidhënëse nuk do të aplikojnë interes ndëshkues, nuk do të aplikojnë ndryshim të klasifikimit kreditor ndaj kredimarrësve dhe BQK-ja nuk do të kërkojë provizione shtesë nga këto institucione, për kreditë e shtyra. Ndërkohë, interesi i rregullt për këta tre muaj do të përllogaritet, pagesa e të cilit do të shpërndahet për periudhë së paku gjashtëmujore apo më herët, në rastet e maturimit të kredive para kësaj periudhe.

Për më shumë bëhu pjesë e grupit më viral në Facebook, Dosja.al

BQK-ja kërkon nga institucionet kredidhënëse të zbatojnë këtë kërkesë, me qëllim të lehtësimit dhe të ruajtjes së likuiditetit të kredimarrësve gjatë kësaj periudhe të ndërprerjes së aktivitetit të shumë veprimtarive ekonomike për shkak të pandemisë. BQK-ja, do të vazhdojë së monitoruari me shumë kujdes zhvillimet ekonomike dhe ato në sektorin financiar në mënyrë që të japim kontributin tonë të mëtejmë në rimëkëmbjen e ekonomisë, por gjithmonë duke vendosur në plan të parë ruajtjen e stabilitetit financiar që është edhe detyra parësore e BQK-së”, thuhet në sqarim.

(A.B. Dosja.al)

Shto Koment