Politike

“Qytetarët e Kosovës meritojnë liberalizimin e vizave me BE-në”/ Meta pas takimit me homologun slloven: E ardhmja e Ballkanit Perëndimor nuk është ndryshimi i kufijve

Në një postim në Facebook, Meta u shpreh se me Pahor ata diskutuar vazhdimin e dialogut Kosovë-Serbi, si dhe kanë nënvijzuar rëndësinë e marrëveshjes mes dy vendeve.
Featured image of article: “Qytetarët e Kosovës meritojnë liberalizimin e vizave me BE-në”/ Meta pas takimit me homologun slloven: E ardhmja e Ballkanit Perëndimor nuk është ndryshimi i kufijve Ilir Meta dhe Borut Pahor

TIRANË- Presidenti Ilir Meta pas takimit me homologun e tij slloven, Borut Pahor, u shpreh se qytetarët e Kosovës meritojnë liberalizimin e vizave me Bashkimin Evropian. Në një postim në Facebook, Meta u shpreh se me Pahor ata diskutuar vazhdimin e dialogut Kosovë-Serbi, si dhe kanë nënvijzuar rëndësinë e marrëveshjes mes dy vendeve. Meta gjithashtu shkruan se e ardhmja e vendeve ballkanike nuk është te ndryshimi i kufijve, por te heqja e tyre në vetë Bashkimin Evropian me anë të bashkëpunimit të ngushtë rajonal.  

Postimi i plotë:

Qytetarët e Kosovës meritojnë sa më parë liberalizimin e vizave me Bashkimin Europian. Të njëjtin qëndrim më shprehu sot edhe Presidenti i Sllovenisë, Borut Pahor, me të cilin gjithashtu nënvizuam rëndësinë e vijimit të dialogut Kosovë-Serbi për arritjen e një marrëveshjeje të qëndrueshme dhe reciprokisht të pranueshme nga të dyja palët, që do të përshpejtonte proceset integruese të këtyre vendeve. E ardhmja e vendeve të Ballkanit Perëndimor nuk është ndryshimi i kufijve por heqja e tyre si në vetë Bashkimin Europian, nëpërmjet bashkëpunimit më të ngushtë rajonal dhe të distancimit nga e kaluara e hidhur.

Për më shumë bëhu pjesë e grupit më viral në Facebook, Dosja.al

Presidenti i Sllovenisë, Borut Pahor është në një vizitë në Shqipëri. Takimi mes Metës dhe Pahor mbajt në ambientet e brendshme të presidencës, nga ku presidenti Meta theksoi rëndësinë e Sllovenisë ne Integrimin e Shqipërisë në Bashkimit Europian.

(I.A/dosja.al)

Shto Koment