Aktualitet

“Qoftë i përjetshëm kujtimi për të”/ Hoti ngushëllon kryeministrin Rama për vdekjen e nënës

Hoti shprehet se në emër të qeverisë së Kosovës i shpreh ngushëllimet më të sinqerta kryeministrit Edi Rama.
Featured image of article: “Qoftë i përjetshëm kujtimi për të”/ Hoti ngushëllon kryeministrin Rama për vdekjen e nënës Avdullah Hoti

KOSOVË-  Mesiditën e sotme kryeministri i Kosovës, Avdullah Hoti ka ngushëlluar familjen e kryeministrit Edi Rama për humbjen e nënës së tij. Nëpërmjet një postimi në rrjetet sociale ai shprehet se qoftë i përjetshëm kujtimi për Aneta Ramën.

“Me dhimbje mora lajmin për ndarjen nga jeta të nënës së kryeministrit të Shqipërisë, Edi Rama! Në emrin tim dhe të Qeverisë së Republikës së Kosovës u shpreh ngushëllimet më të sinqerta kryeministrit Rama, familjes dhe gjithë të afërmve për humbjen e njeriut të tyre të dashur. Qoftë i përjetshëm kujtimi për të!”, shkruan Hoti.

Për më shumë bëhu pjesë e grupit më viral në Facebook, Dosja.al

Aneta Rama ndërroi jetë ditën e sotme, në moshën 82-vjeçare. Lajmin e dha vetë kryeministri Edi Rama, i cili e quajti nënën e tij, ‘dritën e shtëpisë’. Aneta Rama ishte një nga stomtologet e para në vendin tonë, e cila është nderuar edhe me titullin “Nderi i Stomatologjisë Shqiptare”. Ceremonia e varrimit pritet të bëhet sot në orën 17:00.

J.V/Dosja.al 

Shto Koment