Rajoni

“Qëndrimet e vendeve janë larg njëra-tjetrës”/ Kordinatori i Kosovës për dialogun me Serbinë: S’ka asnjë përparim

Në një prononcim për mediat ai ka thënë se palët nuk kanë bërë anjë përparim për të ardhur në një dialog mes vendeve.
Featured image of article: “Qëndrimet e vendeve janë larg njëra-tjetrës”/ Kordinatori i Kosovës për dialogun me Serbinë: S’ka asnjë përparim Skender Hyseni
Përditësuar:

BRUKSEL- Kordinatori i Kosovës për dialog me Serbinë, Skënder Hyseni ka folur pas takimit me homologun e tij serb, Petar Petkoviç. Në një prononcim për mediat ai ka thënë se palët nuk kanë bërë asnjë përparim për të ardhur në një dialog mes vendeve. Ai më tej tha se të dyja vendet kanë mbetur në të njëjtin pozicion që kishin edhe në 29 tetor. Ndër të tjera Hyseni tha se mes ndërmjetasve të dialogut është rënë dakortë që të vazhdojnë bisedimet pas Vitit të Ri.

“Sot përkundër përpjekjeve shumë serioze të delegacionit të Kosovës për të vazhduar trajtimin e temave të kadastrit e pensioneve në kuadrin e temës së pretendimeve financiare dhe të pronës, nuk është arritur ndonjë përparim, ende qëndrimet janë larg njëra-tjetrës, nuk ka përafrim. Edhe sot kemi mbetur në pozicionet e njëjta që kishim më 29 tetor, palët dhe ndërmjetësuesi janë dakorduar që rreth këtyre elementeve specifikë të vazhdojnë bisedimet pas Vitit të Ri”, tha Hyseni.

Për më shumë bëhu pjesë e grupit më viral në Facebook, Dosja.al

Sot u mbahet takimi i radhës së Kosovës dhe Serbisë për të zgjidhur mosmarrëveshjet mes palëve. Mes Kosovës dhe Serbisë janë mbajtur disa mbledhje ku e fundit është mbajtur në 29 tetor. Deri tani dy vendet nuk kanë gjetur asnjë pikë të përbashkët për të nënshkruar marrëveshjen mes vendeve.

(I.A/dosja.al)

Shto Koment