Rajoni

Finalizohet marrëveshja për qeverinë e re në Maqedoninë e Veriu, Zaev: Do të jem unë për 4 vite, në 100 ditët e fundit të mandatit do zgjidhet një kryeministër i ri

Zaev ka deklaruar se me krijimin e koalicionit me BDI-në, do të jetë sërish ai kryeministri që do të udhëheqë Maqedoninë e Veriut dhe jo një lider shqiptar, por në 100 ditët e fundit të mandatit do zgjidhet një kryeministër i ri.
Featured image of article: Finalizohet marrëveshja për qeverinë e re në Maqedoninë e Veriu, Zaev: Do të jem unë për 4 vite, në 100 ditët e fundit të mandatit do zgjidhet një kryeministër i ri Kreu i LSDM-së, Zoran Zaev

MAQEDONI E VERIUT– Sot në Maqedoninë e Veriut dy partitë LSDM- BDI kanë arritur marrëveshjen për koalicionin e qeverisë së re.

Përmes një konference  të përbashkët për shtyp me Ali Ahmetin, Zoran Zaev është shprehur se ai do të jetë jetë kryeministri i ardhshëm për 4 vite, duke lënë të kuptohet se nuk do të ketë një kryeministër shqiptar në krye të Maqedonisë, ashtu sikurse kërkonte në fillim kreu i BDI-së.

Por ai ka bërë me dije se me BDI-në janë pajtuar që 100 ditë e fundit të qeverisë, kryeministri do të propozohet nga BDI-ja.

“Qeveria e Përzhinës më nuk do të funksionojë për shkak të problemeve në të kaluarën. Por, kur vinë zgjedhjet, të gjitha partitë duhet të ndjehen të barabarta, kështu që LSDM-ja do të pranojë që 100 ditë para zgjedhjeve, me propozim të BDI-së, të zgjidhet një kryeministër i ri.”-tha Zaev.

Për më shumë bëhu pjesë e grupit më viral në Facebook, Dosja.al

Kjo marrëveshje bën që në Maqedoni të qëndrojë ende e njëjta qeveri si ajo e mëparshmja, me një koalicion LSDM- BDI bashkë me Lëvizjen Besa, ndërsa partitë e tjera shqiptare dhe VMRO- DPMNE tashmë janë në opozitë.

Sot është arritur marrëveshja mes LSDM-së dhe BDI-së  në Maqedoninë e Veriut pas zgjedhjeve të parakohshme parlamentare që u mbajtën më 15 korrik. Në fjalën e tij kreu i BDI-së, Ali Ahmeti është shprehur se në 100 ditët e fundit të qeverisjes së përbashkët do të ketë një kryeministër shqiptar. Ndërsa Zaev gjatë konferencës së përbashkët me Ahmetin ka thënë se do të jetë ai kryeminitër për 4 vitet e plota të qeverisë LSDM-BDI.

A.C/Dosja.al

Shto Koment